ಸ್ಕೂಟರಿನಿಂದ ಎಂಡಿಎಂಎ ವಶ ಪಡಿಸಿದ ಪ್ರಕರಣ; ಆರೋಪಿಗೆ 2 ವರ್ಷ ಕಠಿಣ ಶಿಕ್ಷೆ, ದಂಡ

 

ಕಾಸರಗೋಡು: ಸ್ಕೂಟರಿನಲ್ಲಿ ಸಾಗಿಸುತ್ತಿದ್ದ 3.29 ಗ್ರಾಂ ಎಂಡಿಎಂಎ ವಶಪಡಿಸಿದ ಪ್ರಕರಣದಲ್ಲಿ ಆರೋಪಿಗೆ ಎರಡು ವರ್ಷ ಕಠಿಣ ಸಜೆ, 20 ಸಾವಿರ ರೂ ದಂಡ ವಿಧಿಸಲಾಗಿದೆ. ಚೆರ್ವತ್ತೂರು ಮೈಲಾಟ್ಟಿ ಕುನ್ನು ನಿವಾಸಿ ಎಂ.ಕೆ.ಮುಹಮ್ಮದ್ ನಿಯಾಸ್(34) ಗೆ  ಕಾಸರಗೋಡು ನ್ಯಾಯಾಲಯ ಈ ಶಿಕ್ಷೆ ನೀಡಿದೆ. ದಂಡ ಪಾವತಿಸದಿದ್ದರೆ 3 ತಿಂಗಳು ಹೆಚ್ಚುವರಿ ಸಜೆ ಅನುಭವಿಸಬೇಕು.

     2021  ಡಿಸೆಂಬರ್ 24 ರಂದು ಮದ್ಯಾಹ್ನ 2.30 ಕ್ಕೆ ಚೆರ್ವತ್ತೂರು ಕೈದಕ್ಕಾಡ್ ಎಂಬಲ್ಲಿ ಎಕ್ಸೈಸ್ ಅಧಿಕಾರಿಗಳು ನಡೆಸಿದ ಕಾರ್ಯಾಚರಣೆಯಲ್ಲಿ ಎಂ ಡಿ ಎಂ ಎ ವಶಪಡಿಸಲಾಗಿತ್ತು. ನೀಲೇಶ್ವರ ಎಕ್ಸೈಸ್ ರೇಂಜ್ ಇನ್ಸ್ಪೆಕ್ಟರ್ ಕೆ.ಆರ್.ಕಲೇಶ್ ರವರ ನೇತೃತ್ವದಲ್ಲಿ ಕಾರ್ಯಾಚರಣೆ ನಡೆದಿತ್ತು.