ಬದಿಯಡ್ಕ : ಕ್ಯಾಂಪ್ಕೊ ಕಚೇರಿಯ  ಮುಂಭಾಗದಲ್ಲಿ ಕಾಸರಗೋಡು ಮತ್ತು ಮುಳ್ಳೇರಿಯ ಪ್ರದೇಶಗಳಿಂದ ಪೇಟೆಗೆ ಬಸ್‌ಗಳು ಮತ್ತು ಇತರ ವಾಹನಗಳು ಯು-ಟರ್ನ್ ಮಾಡುವ ಸ್ಥಳದಲ್ಲಿ ಆಯಿಲ್ ಸೋರಿಕೆಯಾಗಿ ರಸ್ತೆ ಮೇಲೆ ಚೆಲ್ಲಿದ ಘಟನೆ ನಡೆದಿದೆ.

ಅಪರಿಚಿತ ವಾಹನದಿಂದ ಎಣ್ಣೆ ರಸ್ತೆಗೆ ಸೋರಿಕೆಯಾಗಿದ್ದು ದ್ವಿಚಕ್ರ ವಾಹನ ಸವಾರರು ಸೇರಿದಂತೆ ಕೆಲವು ಚಾಲಕರು ರಸ್ತೆಯಲ್ಲಿ ಎಣ್ಣೆ ಚೆಲ್ಲಿದ ಕಾರಣ  ತಮ್ಮ ವಾಹನಗಳು ಜಾರಿಬೀಳುವ ಭಯದಲ್ಲಿದ್ದರು. ತಕ್ಷಣ ಕಾಸರಗೋಡಿನಿಂದ ಆಗಮಿಸಿದ ಅಗ್ನಿಶಾಮಕ ಮತ್ತು ರಕ್ಷಣಾ ಅಧಿಕಾರಿಗಳು ರಸ್ತೆಯಲ್ಲಿ ಚೆಲ್ಲಿದ ಎಣ್ಣೆಯ ಮೇಲೆ ಮರದ ಪುಡಿಯನ್ನು ಸಿಂಪಡಿಸಿದರು.  ಬದಿಯಡ್ಕದಿಂದ ಕುಂಬಳೆ ಭಾಗಕ್ಕೆ ಹೋಗುವ ವಾಹನಗಳು ಇದೇ ಮಾರ್ಗದ ಮೂಲಕ ಹಾದು ಹೋಗಬೇಕಾಗುತ್ತದೆ. ಆಟೋ ರಿಕ್ಷಾಗಳು, ದ್ವಿಚಕ್ರ ವಾಹನಗಳು ಸೇರಿದಂತೆ ಹಲವು ವಾಹನಗಳು ರಸ್ತೆಯಲ್ಲಿ ಸಂಚರಿಸುತ್ತಿದ್ದು, ಅಗ್ನಿಶಾಮಕ ದಳದವರ ಸಕಾಲಿಕ ಮಧ್ಯಪ್ರವೇಶದಿಂದಾಗಿ ದೊಡ್ಡ ಅಪಘಾತವೊಂದು ತಪ್ಪಿದಂತಾಗಿದೆ.