ಕಿರುಕುಳದಿಂದ ಬೇಸತ್ತ ಗೃಹಿಣಿ ಅತ್ತೆ-ಮಾವನ ಎದುರೇ ಆಸಿಡ್ ಸೇವಿಸಿ ಆತ್ಮಹತ್ಯೆ : ಪತಿಯ ಸೆರೆ

ಕಾಸರಗೋಡು: ಅತ್ತೆ-ಮಾವನ ಎದುರೇ ಮಹಿಳೆಯೊಬ್ಬರು ಆಸಿಡ್ ಸೇವಿಸಿ ಆತ್ಮಹತ್ಯೆ ಮಾಡಿಕೊಂಡ ಘಟನೆ ಪಾಣಲಂನಲ್ಲಿ ನಡೆದಿದೆ. ಮೃತರನ್ನು ಚರ್ಲಡ್ಕದ ಫಾತಿಮತ್ ಸುಫೈದಾ (24) ಎಂದು ಗುರುತಿಸಲಾಗಿದೆ.  ಅತ್ತೆ-ಮಾವನ ಕಿರುಕುಳದಿಂದ ಮಹಿಳೆ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎಂದು ಸುಫೈದಾ ಅವರ ಕುಟುಂಬವು ಸಾವಿನ ಬಗ್ಗೆ ಆರೋಪಿಸಿದೆ. ಸುಫೈದಾ ಅವರ ಅತ್ತೆ-ಮಾವಂದಿರು ಚಿನ್ನಕ್ಕಾಗಿ ನಿರಂತರವಾಗಿ ಕಿರುಕುಳ ನೀಡುತ್ತಿದ್ದರು ಎಂದು  ವಿದ್ಯಾನಗರ ಪೊಲೀಸರಿಗೆ ದೂರು ನೀಡಿದೆ. ಈ ಬಗ್ಗೆ ಪತಿ ಆದಿಲ್ ಅವರನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ.