ಮೇ 6 ಕ್ಕೆ ಮಂಜೇಶ್ವರ ಶ್ರೀಮತ್ ಅನಂತೇಶ್ವರ ದೇವಳದ ಶಾಲೆಗಳ‌ ಶತಮಾನೋತ್ಸವ ಸಂಭ್ರಮದ ಸಮಾರೋಪ

ಮಂಜೇಶ್ವರ :  ಶ್ರೀಮತ್ ಅನಂತೇಶ್ವರ ದೇವಳದ ಶಾಲೆಗಳ‌ ಶತಮಾನೋತ್ಸವ ಸಂಭ್ರಮ 2025ರ ಸಮಾರೋಪ ಸಮಾರಂಭ ಮೇ ತಿಂಗಳ 6 ನೇ ತಾರೀಕಿನಂದು ಜರಗಲಿದೆ. 

ಸಮಾರೋಪ ಸಮಾರಂಭದ ಭಾಗವಾಗಿ  ಶಾಲೆಯಲ್ಲಿ ಈ ಹಿಂದೆ ಸೇವೆಯನ್ನು ಸಲ್ಲಿಸಿ ನಿವೃತ್ತರಾದರ ಶಿಕ್ಷಕ, ಶಿಕ್ಷಕೇತರ ಸಿಬ್ಬಂದಿಗಳಿಗೆ ಗುರುವಂದನಾ ಕಾರ್ಯಕ್ರಮ, ಶತಮಾನೋತ್ಸವದ ಭಾಗವಾಗಿ ಹಮ್ಮಿಕೊಂಡ ಅಂತರ್ ಶಾಲಾ ಮಟ್ಟದ ಸ್ಪರ್ಧೆಯಲ್ಲಿ ವಿಜೇತ ಮಕ್ಕಳಿಗೆ ಬಹುಮಾನ ವಿತರಣೆ, ರಾಜ್ಯ ಮಟ್ಟದಲ್ಲಿ‌ ಸಾಧನೆಗೈದ ಮಕ್ಕಳಿಗೆ  ಅಭಿನಂದನಾ ಸಮಾರಂಭ ಹಾಗೂ ಪೂರ್ವ ವಿದ್ಯಾರ್ಥಿಗಳು ಮತ್ತು ಪ್ರಸ್ತುತ ವಿದ್ಯಾರ್ಥಿಗಳ‌ ಸಾಂಸ್ಕೃತಿಕ ಕಾರ್ಯಕ್ರಮ ಜರಗಲಿದೆ ಎಂದು ಸಂಬಂಧಪಟ್ಟವರು ತಿಳಿಸಿದ್ದಾರೆ.