ಅನ್ಯ ರಾಜ್ಯ ಕಾರ್ಮಿಕನ ಹತ್ಯೆ : ಐದು ಜನರ ಬಂಧನ

ಛತ್ತೀಸ್‌ಗಢ ಮೂಲದ ರಾಮ್ ನಾರಾಯಣನ್ ವಯಾರ್ ಅವರನ್ನು ಅಟ್ಟಪಲ್ಲತ್‌ನ ವಲಯಾರ್‌ನಲ್ಲಿ ಬಿಜೆಪಿ ಕಾರ್ಯಕರ್ತರು ಹಲವಾರು ಗಂಟೆಗಳ ಕಾಲ ವಿಚಾರಣೆ ನಡೆಸಿದ ನಂತರ ಹತ್ಯೆಗೈದ ಪ್ರಕರಣಕ್ಕೆ ಸಂಬಂಧಿಸಿ  ಮಾನವ ಹಕ್ಕುಗಳ ಆಯೋಗ ಪ್ರಕರಣ ದಾಖಲಿಸಿದೆ. ಮೂರು ವಾರಗಳಲ್ಲಿ ತನಿಖೆ ನಡೆಸಿ ವರದಿ ಸಲ್ಲಿಸುವಂತೆ ಪಾಲಕ್ಕಾಡ್ ಜಿಲ್ಲಾ ಪೊಲೀಸ್ ಮುಖ್ಯಸ್ಥರಿಗೆ ಸೂಚಿಸಲಾಗಿದೆ.  ಅನ್ಯರಾಜ್ಯ ಕಾರ್ಮಿಕನನ್ನು ಹೊಡೆದು ರಕ್ತ ಉಗುಳಿದ ನಂತರ,  ನೆಲಕ್ಕೆ ಬಿದ್ದಾಗ ಬಾಂಗ್ಲಾದೇಶಿಯೇ ಎಂದು ಕೇಳಿ ನಂತರ ಮತ್ತೆ ಹೊಡೆದು ಸಾಯಿಸಲಾಯಿತು. ಪ್ರಕರಣದಲ್ಲಿ ನಾಲ್ವರು ಬಿಜೆಪಿ ಕಾರ್ಯಕರ್ತರು ಸೇರಿದಂತೆ ಐದು ಜನರನ್ನು ವಲಯಾರ್ ಪೊಲೀಸರು ಬಂಧಿಸಿದ್ದರು. ಅತಿಥಿ ಕೆಲಸಗಾರ ನಾಲ್ಕು ದಿನಗಳ ಹಿಂದೆ ಕೆಲಸ ಹುಡುಕಿಕೊಂಡು ವಲಯಾರ್‌ಗೆ ಬಂದಿದ್ದ.  ಪರಿಚಯವಿಲ್ಲದ ಸ್ಥಳವಾದ್ದರಿಂದ ದಾರಿ ತಪ್ಪಿ ವಲಯಾರ್‌ನ ಅಟ್ಟಪ್ಪಲಂ ತಲುಪಿದ್ದ ಈ ವೇಳೆ ಗುಂಪು ಹಲ್ಲೆ ನಡೆದಿದೆ. ಹಲ್ಲೆಗೊಳಗಾದ ವ್ಯಕ್ತಿಯನ್ನು ಆಸ್ಪತ್ರೆಗೆ ದಾಖಲಿಸಿದ್ದರೂ ಪ್ರಾಣ ಉಳಿಸಲಾಗಲಿಲ್ಲ.ಬಂಧಿತ ಆರೋಪಿಗಳನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಿ ರಿಮಾಂಡ್ ನಲ್ಲಿ ಇರಿಸಲಾಗಿದೆ. ಪೂರ್ವ ಅಟ್ಟಪ್ಪಳ್ಳಂನ ಅನಂತನ್ (55), ಬಿಜೆಪಿ-ಆರ್‌ಎಸ್‌ಎಸ್ ಕಾರ್ಯಕರ್ತರಾದ ಅಟ್ಟಪ್ಪಳ್ಳಂನ ಕಲ್ಲಂಗ್‌ಕಾಡ್‌ನ ಎ ಅನು (38), ಅಟ್ಟಪ್ಪಳ್ಳಂನ ಮಹಾಲಿಕಾಡ್‌ನ ಸಿ ಪ್ರಸಾದ್ (34) ಮತ್ತು ಸಿ ಮುರಳಿ (38) ಮತ್ತು ಪೂರ್ವ ಅಟ್ಟಪ್ಪಳ್ಳಂನ ಕೆ ಬಿಬಿನ್ (30 ಎಂಬವರು ಬಂಧಿತ ಆರೋಪಿಗಳು.ಘಟನೆಯಲ್ಲಿ ಇನ್ನೂ ಹೆಚ್ಚಿನ ಆರೋಪಿಗಳಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.