ಪನೆಯಾಲ ಶಾಲೆಯಲ್ಲಿ ಕವಿ ಭಾಸ್ಕರ ಅಡ್ವಳರಿಂದ ಉಚಿತ ಪುಸ್ತಕ ಕೊಡುಗೆ

ಪನೆಯಾಲ : ಇಲ್ಲಿನ ಶ್ರೀ ಶಾಸ್ತಾರ ಅನುದಾನಿತ ಕಿರಿಯ ಪ್ರಾಥಮಿಕ ಶಾಲೆಯ ಹಳೆ ವಿದ್ಯಾರ್ಥಿ ಹಾಗೂ ಕವಿ ಭಾಸ್ಕರ ಅಡ್ವಳ ಅವರು  ಶಾಲೆಯ ಮೇಲಿನ ಅಪಾರ ಗೌರವ ಮತ್ತು ವಿದ್ಯಾರ್ಥಿಗಳ ಮೇಲಿನ ಪ್ರೀತಿಯಿಂದ ತಾವೇ ರಚಿಸಿದ ಪುಸ್ತಕಗಳನ್ನು ಉಚಿತವಾಗಿ ನೀಡಿದರು.

ಅವರು ನೀಡಿದ ಪುಸ್ತಕಗಳ  ವಿತರಣಾ  ಕಾರ್ಯಕ್ರಮವನ್ನು ಶಾಲೆಯಲ್ಲಿ ಆಯೋಜಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಶಾಲೆಯ ಮುಖ್ಯ ಶಿಕ್ಷಕರು ಹಾಗೂ ಇತರ ಶಿಕ್ಷಕರು ಉಪಸ್ಥಿತರಿದ್ದರು. ನಮ್ಮ ಶಾಲಾ ವ್ಯವಸ್ಥಾಪಕರ ಪತ್ನಿ ವಿದ್ಯಾ ಕೇಶವಮೂರ್ತಿ ಅವರು ಪುಸ್ತಕಗಳನ್ನು ಮಕ್ಕಳಿಗೆ ವಿತರಿಸಿದರು. ವಿದ್ಯಾರ್ಥಿಗಳ ಶೈಕ್ಷಣಿಕ ಪ್ರಗತಿಗೆ ಪುಸ್ತಕಗಳು ಸಹಕಾರಿಯಾಗಿದ್ದು, ಓದುವ ಹವ್ಯಾಸವನ್ನು ಬೆಳೆಸಿಕೊಳ್ಳುವಂತೆ ಮುಖ್ಯ ಶಿಕ್ಷಕರು ವಿದ್ಯಾರ್ಥಿಗಳಿಗೆ ಸಲಹೆ ನೀಡಿದರು.