ಮಾರ್ಪನಡ್ಕದ ಗುಳಿಗನ ಕಟ್ಟೆಯ ಹುಂಡಿ ಹಣ ಕದ್ದ ಯುವಕನ ಬಂಧನ

ಬದಿಯಡ್ಕ : ಅಗಲ್ಪಾಡಿ ಸಮೀಪದ ಮಾರ್ಪನಡ್ಕದ  ಗೋಪಾಲಕೃಷ್ಣ ಭಜನಾ ಮಂದಿರದ ಹಿಂದೆ ಪ್ರತಿಷ್ಠಾಪಿಸಲಾಗಿದ್ದ ಗುಳಿಗ ದೈವದ ಕಟ್ಟೆಯ  ಹುಂಡಿಯನ್ನು  ಕಳವು ಮಾಡಲಾಗಿದ್ದು ಆರೋಪಿ ಬದಿಯಡ್ಕ  ಪೊಲೀಸರ ಬಲೆಗೆ ಬಿದ್ದಿದ್ದಾನೆ. ಬಂಧಿತ ಆರೋಪಿ ಅಡೂರು ಪಳ್ಳಂನ ಪಯಂಕಾಡಿಯ ಸಬಿತ್ (36) ಎಂದು ಗುರುತಿಸಲಾಗಿದೆ. ಜುಲೈ 29 ರಂದು ಬೆಳಗಿನ ಜಾವ 3 ರಿಂದ 5:30 ರ ನಡುವೆ ಕಳ್ಳತನ ನಡೆದಿದೆ. ಈ ಬಗ್ಗೆ  ಮಾರ್ಪನಡ್ಕದ ರಮೇಶ್ ಪದ್ಮಾರ್  ಬದಿಯಡುಕ್ಕ ಪೊಲೀಸರಿಗೆ ದೂರು ನೀಡಿದ್ದರು. ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಇನ್ಸ್‌ಪೆಕ್ಟರ್ ಅನೂಪ್ ಕೃಷ್ಣ ಅವರ ಸೂಚನೆಯ ಮೇರೆಗೆ, ಪ್ರಿನ್ಸಿಪಾಲ್ ಎಸ್‌ಐ ಅನೂಪ್ ಕೃಷ್ಣನ್ ನೇತೃತ್ವದ ಪೊಲೀಸ್ ತಂಡ ಹತ್ತಿರದ ಸಿಸಿಟಿವಿಯನ್ನು ಕೇಂದ್ರೀಕರಿಸಿ ತನಿಖೆ ನಡೆಸಿತು. ಸಬಿತ್‌ನನ್ನು ಬಂಧಿಸಲಾಗಿದೆ. ಆರೋಪಿಯು ಕಾರಿನಲ್ಲಿ ಬಂದು ಹುಂಡಿಯನ್ನು ಕದ್ದಿರುವುದಾಗಿ ಹೇಳಿಕೆ ನೀಡಿದ್ದು, ಬಂಧಿತ ವ್ಯಕ್ತಿ ಹಲವಾರು ಕಳ್ಳತನ ಪ್ರಕರಣಗಳಲ್ಲಿ ಆರೋಪಿಯಾಗಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.