ಅ.4ಕ್ಕೆ ಸೂರಂಬೈಲಿನಲ್ಲಿ ಬಾಲಗೋಕುಲದ ಪ್ರಶಿಕ್ಷಣ ವರ್ಗ ತರಬೇತಿ ಶಿಬಿರ

ಸೀತಾಂಗೋಳಿ : ಬದಿಯಡ್ಕ ತಾಲೂಕು ಬಾಲಗೋಕುಲ ಸಮಿತಿಯ ವತಿಯಿಂದ ಪ್ರಶಿಕ್ಷಣ ವರ್ಗ ತರಬೇತಿ ಶಿಬಿರವನ್ನು ಅಕ್ಟೋಬರ್ 4ರಂದು ಆಯೋಜಿಸಲಾಗಿದೆ. ಭಾನುವಾರ ಬೆಳಗ್ಗೆ 9ರಿಂದ ಸಂಜೆ 4.30ರವರೆಗೆ ನಡೆಯಲಿರುವ ಶಿಬಿರವು ಸೂರಂಬೈಲು ಎಡನಾಡ್ ಸಹಕಾರಿ ಬ್ಯಾಂಕ್ ಹಾಲ್ ಹಾಗೂ ಶ್ರೀ ಗಣೇಶ ಭಜನಾ ಮಂದಿರದಲ್ಲಿ ನಡೆಯಲಿದೆ. ಬಾಲಗೋಕುಲದ ‘ಕಲಾರ್ಪಣಂ’ ಕಾರ್ಯಕ್ರಮದ ಅಂಗವಾಗಿ ನಡೆಯುವ ಈ ತರಬೇತಿ ಶಿಬಿರದಲ್ಲಿ ಬಾಲಗೋಕುಲದ ವಿವಿಧ ಚಟುವಟಿಕೆಗಳು ಹಾಗೂ ತರಬೇತಿ ಕಾರ್ಯಕ್ರಮಗಳು ನಡೆಯಲಿವೆ ಎಂದು ಸಂಬಂಧಪಟ್ಟವರು ತಿಳಿಸಿದ್ದಾರೆ.