ಜ್ವರಕ್ಕೆ ಆರಿಕ್ಕಾಡಿಯ ಯುವತಿ ಬಲಿ

ಕುಂಬಳೆ : ಜ್ವರದಿಂದ ಬಳಲುತ್ತಿದ್ದ ಯುವತಿಯೊಬ್ಬರು ಚಿಕಿತ್ಸೆ ಫಲಕಾರಿಯಾಗದೆ ಮಂಗಳೂರಿನ ಖಾಸಗಿ ಆಸ್ಪತ್ರೆಯಲ್ಲಿ ಮೃತಪಟ್ಟಿದ್ದಾರೆ. ಆರಿಕ್ಕಾಡಿ ಜೋಡುಗೋಳಿ ನಿವಾಸಿಗಳಾದ ಮಾಧವ ಹಾಗೂ ಸಂಧ್ಯಾ ದಂಪತಿಯ ಪುತ್ರಿ ಪಯಸ್ವಿನಿ (22) ಮೃತ ದುರ್ದೈವಿ. ತೀವ್ರ ಜ್ವರ ಕಾಣಿಸಿಕೊಂಡ ಹಿನ್ನೆಲೆಯಲ್ಲಿ ಮೂರು ದಿನಗಳ ಹಿಂದೆ ಅವರನ್ನು ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿತ್ತು. ಆದರೆ ಚಿಕಿತ್ಸೆ ಫಲಿಸದೆ ಅವರು ಕೊನೆಯುಸಿರೆಳೆದರು.

ಮೃತರು ತಂದೆ-ತಾಯಿ, ಸಹೋದರರಾದ ಸುಹಾನ್ ಹಾಗೂ ಯಜ್ಞೇಶ್ ಅವರನ್ನು ಅಗಲಿದ್ದಾರೆ.