ಅ.25ರಂದು ಕುಂಟಿಕಾನ ಎಎಸ್‌ಬಿಎಸ್ ಶಾಲೆಯಲ್ಲಿ ಉಚಿತ ವೈದ್ಯಕೀಯ ಶಿಬಿರ

ಬದಿಯಡ್ಕ: ಫಾದರ್ ಮುಲ್ಲರ್ ವೈದ್ಯಕೀಯ ಕಾಲೇಜು ಆಸ್ಪತ್ರೆ, ಮಂಗಳೂರು ಹಾಗೂ ಕುಂಟಿಕಾನ ಎಎಸ್‌ಬಿಎಸ್ ಶಾಲೆಯ ಹಳೆಯ ವಿದ್ಯಾರ್ಥಿಗಳ ಸಂಘದ (ಒಎಸ್‌ಎ) ಸಹಯೋಗದಲ್ಲಿ ಅಕ್ಟೋಬರ್ 25ರಂದು ಉಚಿತ ಬೃಹತ್ ವೈದ್ಯಕೀಯ ಶಿಬಿರ ನಡೆಯಲಿದೆ.

ಶಾಲೆಯ 75ನೇ ವಾರ್ಷಿಕೋತ್ಸವ ಹಾಗೂ ಹಳೆಯ ವಿದ್ಯಾರ್ಥಿಗಳ ಸಂಘದ ಸುವರ್ಣ ಮಹೋತ್ಸವದ ಅಂಗವಾಗಿ ಕುಂಟಿಕಾನ ಎಎಸ್‌ಬಿಎಸ್ ಶಾಲೆಯಲ್ಲಿ ಬೆಳಗ್ಗೆ 9ರಿಂದ ಮಧ್ಯಾಹ್ನ 1ರವರೆಗೆ ಶಿಬಿರ ನಡೆಯಲಿದೆ.

ಶಿಬಿರದಲ್ಲಿ ಸಾಮಾನ್ಯ ವೈದ್ಯಕೀಯ ತಪಾಸಣೆ, ನೇತ್ರ ಚಿಕಿತ್ಸೆ, ಸ್ತ್ರೀರೋಗ ತಪಾಸಣೆ, ಮೂಳೆ ಚಿಕಿತ್ಸೆ, ಕಿವಿ-ಮೂಗು-ಗಂಟಲು ತಪಾಸಣೆ, ಶ್ರವಣ ಪರೀಕ್ಷೆ ಹಾಗೂ ವಾಕ್ ಚಿಕಿತ್ಸೆಯ ಸೌಲಭ್ಯಗಳು ಲಭ್ಯವಿರಲಿವೆ. ಇಸಿಜಿ ಪರೀಕ್ಷೆಯ ವ್ಯವಸ್ಥೆಯೂ ಇರಲಿದೆ.

ವೈದ್ಯರ ಸಮಾಲೋಚನೆಯ ಜೊತೆಗೆ ಅಗತ್ಯವಿರುವ ಅರ್ಹ ರೋಗಿಗಳಿಗೆ ಆಸ್ಪತ್ರೆಯ ನಿಯಮಾವಳಿಗಳ ಪ್ರಕಾರ ಕಡಿಮೆ ದರದಲ್ಲಿ ಕನ್ನಡಕಗಳನ್ನು ಒದಗಿಸಲಾಗುವುದು.

ಹೆಚ್ಚಿನ ಮಾಹಿತಿ ಹಾಗೂ ನೋಂದಣಿಗಾಗಿ ಶಿಬಿರದ ಸಂಯೋಜಕ ಅಬ್ದುಲ್ ಸಲಾಂ ಪಿ. (9207831107, 8281406792, 9809801806) ಅವರನ್ನು ಸಂಪರ್ಕಿಸಬಹುದು.