ಕೇಂದ್ರ ಸಚಿವ ಸಂಪುಟ ಪುನರ್ ರಚನೆ; ಕೇರಳದ ಸ್ಥಾನ ಕೆ.ಸುರೇಂದ್ರನ್ ಗೆ ಒಲಿಯಬಹುದೇ : ನಿರೀಕ್ಷೆಯಲ್ಲಿ ಅಭಿಮಾನಿಗಳು

ಕಾಸರಗೋಡು : ಕೇಂದ್ರ ಸಚಿವ ಸಂಪುಟದ  ಪುನರ್ ರಚನೆಯಲ್ಲಿ ಕೇರಳದಿಂದ ಹೊಸ ಕೇಂದ್ರ ಸಚಿವರ ಸೇರ್ಪಡೆ ಸಾಧ್ಯತೆ ಇದೆ. ರಾಜ್ಯಸಭಾ ಅವಧಿಯನ್ನು ಪೂರ್ಣಗೊಳಿಸುತ್ತಿರುವ ಜಾರ್ಜ್ ಕುರಿಯನ್ ಕೇಂದ್ರ ಸಚಿವರಾಗಿ ಮುಂದುವರಿಯುತ್ತಾರೋ ಇಲ್ಲವೋ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲದ ಕಾರಣ, ವಿಧಾನಸಭಾ ಚುನಾವಣೆಯಲ್ಲಿ ಮೂರು ಸ್ಥಾನಗಳನ್ನು ಗೆದ್ದ ಕೇರಳಕ್ಕೆ ಕೇಂದ್ರದಲ್ಲಿ ಹೆಚ್ಚಿನ ಪ್ರಾತಿನಿಧ್ಯ ನೀಡಲು ಬಿಜೆಪಿ ಸಿದ್ಧತೆ ನಡೆಸಿದೆ ಎಂದು ತಿಳಿದು ಬಂದಿದ್ದು ಈ ಹಿನ್ನಲೆಯಲ್ಲಿ ರಾಜ್ಯದ ಜನಪ್ರಿಯ ನೇತಾರರಾಗಿ ಗುರುತಿಸಿಕೊಂಡಿರುವ ಕೆ. ಸುರೇಂದ್ರನ್ ಅವರನ್ನು ಪರಿಗಣಿಸುವ ಸಾಧ್ಯತೆ ತಳ್ಳಿಹಾಕುವಂತಿಲ್ಲ. ಈ ನಡುವೆ ಸಿ. ಸದಾನಂದನ್ ಮಾಸ್ಟರ್, ಅನೂಪ್ ಆಂಟನಿ ಮತ್ತು ಅನಿಲ್ ಆಂಟನಿ ಅವರ ಹೆಸರುಗಳನ್ನು ಬಿಜೆಪಿ ಕೇಂದ್ರ ನಾಯಕತ್ವ ಪರಿಗಣಿಸುತ್ತಿದೆ ಎಂಬ ಸೂಚನೆಗಳು ಕಂಡು ಬಂದಿದೆ.