ನಾಳೆ ಬದಿಯಡ್ಕದಲ್ಲಿ ದಿ. ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯರ ಜನ್ಮದಿನಾಚರಣೆಯೊಂದಿಗೆ ವಿಶ್ವ ತುಳು ಲಿಪಿ ದಿನಾಚರಣೆ

ಬದಿಯಡ್ಕ : ತುಳು ಲಿಪಿ ಸಂಶೋಧಕ, ವಿದ್ವಾಂಸ ದಿ.ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯರ  90ನೇ ಜನ್ಮದಿನದಂಗವಾಗಿ ಬದಿಯಡ್ಕದ ತುಳುವೆರೆ ಆಯನೋ ಕೂಟದಿಂದ ತುಳುವ ಮಹಾಸಭೆಯ ಸಹಭಾಗಿತ್ವದಲ್ಲಿ ವಿಶ್ವ ತುಳುಲಿಪಿ ದಿನಾಚರಣೆ ನಡೆಯಲಿದೆ.  ಅ.10ರಂದು ಮಧ್ಯಾಹ್ನ 3 ಗಂಟೆಗೆ ಬದಿಯಡ್ಕದ ಸಂಸ್ಕೃತಿ ಭವನದಲ್ಲಿ ನಡೆಯುವ

ವಿಶ್ವ ತುಳು ಲಿಪಿ ದಿನ - ಪು.ವೆಂ.ಪು.ಒಂಜಿ ನೆಂಪು ಕಾರ್ಯಕ್ರಮದಲ್ಲಿ ತುಳುವೆರೆ ಆಯನೋ ಸಮಿತಿ ಅಧ್ಯಕ್ಷ  ಗೋಪಾಲಕೃಷ್ಣ ಕುಲಾಲ್ ವಾಂತಿಚ್ಚಾಲ್ ಅಧ್ಯಕ್ಷತೆವಹಿಸುವರು. ತುಳು ಸಾಹಿತಿ, ಕವಯತ್ರಿ ರಾಜಶ್ರೀ ಟಿ.ರೈ ಪೆರ್ಲ ಪು.ವೆಂ.ಪು ನೆಂಪು ಸಂಸ್ಮರಣಾ ಭಾಷಣಗೈಯುವರು.

ಕಾಸರಗೋಡು ತುಳುಕೂಟದ ಅಧ್ಯಕ್ಷ ಬಿ.ಪಿ.ಶೇಣಿ, ಜೈ ತುಳುನಾಡ್ ಸಂಘಟನೆ ಕಾಸರಗೋಡು ಘಟಕ ಅಧ್ಯಕ್ಷ ಉತ್ತಮ್ ಉರುಳಿತ್ತಡ್ಕ, ಕವಿ ಪುಂಡೂರು ವಿಜಯ ರಾಜ ಪುಣಿಂಚಿತ್ತಾಯ ಮುಖ್ಯ ಅತಿಥಿಗಳಾಗಿ ಭಾಗವಹಿಸುವರು. ತುಳುವೆರೆ ಆಯನೋ ಕೂಟದ ಸ್ಥಾಪಕ ಸಂಘಟಕರಾದ  ಡಾ.ಶ್ರೀನಿಧಿ ಸರಳಾಯ ಬದಿಯಡ್ಕ, ಡಾ.ರಾಜೇಶ್ ಆಳ್ವ ಉಪಸ್ಥಿತರಿರುವರು. ಈ ಸಂದರ್ಭದಲ್ಲಿ ಕಾಸರಗೋಡು ಜಿಲ್ಲೆಯಲ್ಲಿ ತುಳುಲಿಪಿ ಕಲಿಕೆಗೆ ನೇತೃತ್ವ ನೀಡಿದ  ಜೈ ತುಳುನಾಡ್ ಸಂಘಟನೆ ಹಾಗೂ ತುಲು ಲಿಪಿ ಶಿಕ್ಷಕಿ  ವಿನೋದ ಪ್ರಸಾದ್ ರೈ ಕಾರಿಂಜ ಅವರನ್ನು ಸನ್ಮಾನಿಸಲಾಗುವುದು.

ಕವಿ  ಶ್ರೀನಿವಾಸ ಆಳ್ವ ಕಳತ್ತೂರು,  ಗುರುಪ್ರಸಾದ್ ರೈ ಬದಿಯಡ್ಕ, ಹರ್ಷ ರೈ ಪುತ್ರಕಳ, ತುಳುವೆರೆ ಆಯನೋ ಕೂಟದ ಕಾರ್ಯದರ್ಶಿ ಜಯ ಮಣಿಯಂಪಾರೆ, ಕವಿ ಸುಂದರ ಬಾರಡ್ಕ ಮೊದಲಾದವರು ಪಾಲ್ಗೊಳ್ಳುವರು. ಈ ಸಂದರ್ಭ ಪುಂಡೂರು ವೆಂಕಟರಾಜ ಪುಣಿಂಚಿತ್ತಾಯರು ರಚಿಸಿದ ಕವನಗಳನ್ನು ಆಯ್ದು ಬಾಲ ಪ್ರತಿಭೆ ಪ್ರಣಮ್ಯ ಕೆ.ಎಸ್ ಮಾಯಿಪ್ಪಾಡಿ ಹಾಗೂ ಅಪರ್ಣ ಪಾಣೂರು ಗಾಯನ ನಡೆಸುವರು. ತುಳು ಅಭಿಮಾನಿಗಳು ಸಮಿತಿ ಸದಸ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಬೇಕು  ಎಂದು ಸಂಘಟಕರು ತಿಳಿಸಿದ್ದಾರೆ.