ಶೇಣಿ ಶ್ರೀಶಾರದಾಂಬ ಹೈಯರ್ ಸೆಕೆಂಡರಿ ಶಾಲೆ ಪ್ಲಸ್ ಟು ಪರೀಕ್ಷೆಯಲ್ಲಿ ಜಿಲ್ಲೆಗೆ ದ್ವಿತೀಯ ಸ್ಥಾನ

ಪೆರ್ಲ : ಗುರುವಾರ ಪ್ರಕಟವಾದ ಕೇರಳ ಪ್ಲಸ್ ಟು ಪರೀಕ್ಷಾ ಫಲಿತಾಂಶದಲ್ಲಿ ಕಾಸರಗೋಡು ಜಿಲ್ಲೆಯ  ಶೇಣಿ ಶ್ರೀ ಶಾರದಾಂಬ ಹೈಯರ್ ಸೆಕೆಂಡರಿ ಶಾಲೆ ಶೇ.96 ರಷ್ಟು ಫಲಿತಾಂಶದೊಂದಿಗೆ ಜಿಲ್ಲೆಯಲ್ಲಿಯೇ ಎರಡನೇ ಸ್ಥಾನ ಗಳಿಸಿಕೊಂಡಿದೆ.

ಪ್ರಥಮ ಸ್ಥಾನ ಚೆರ್ಕಳ ಮಾರ್ಥೋಮ ಹೈಯರ್ ಸೆಕೆಂಡರಿ ವಿಶೇಷ ಶಾಲೆ ತನ್ನದಾಗಿಸಿದೆ. ದ್ವಿತೀಯ ಸ್ಥಾನ ಪಡೆದ ಶೇಣಿ ಶಾಲೆಯಲ್ಲಿನ 121 ವಿದ್ಯಾರ್ಥಿಗಳು ಎರಡು ಬ್ಯಾಚ್‌ಗಳಲ್ಲಿ ಪರೀಕ್ಷೆ ಬರೆದಿದ್ದಾರೆ. ಈ ಪೈಕಿ 116 ವಿದ್ಯಾರ್ಥಿಗಳು ಪಾಸಾಗಿದ್ದಾರೆ. 

ಪಾಸಾದ  ವಿದ್ಯಾರ್ಥಿಗಳಲ್ಲಿ ಆನ್ ಮರಿಯಾ ಶಾಜಿ, ಸಿತಾರ ಸೈನಬ, ಅಲ್ಬಿನ್ ಜೋಜೋ, ಆಯಿಷತ್ ತನ್ಸಿಹಾ, ಅಂಜಲಿ ಎಂಬ ಐವರು ಎಪ್ಲಸ್ ಗ್ರೇಡ್ ಪಡೆದಿದ್ದಾರೆ. ಇದಲ್ಲದೆ ಐದು ಮಂದಿ ಮಕ್ಕಳು ಎಗ್ರೇಡ್ ಗೆ ಅರ್ಹತೆ ಪಡೆದಿದ್ದಾರೆ.

ಶೇಣಿ ಶಾಲೆಯು ಪ್ಲಸ್ ಟು ಪರೀಕ್ಷೆಯ ಸಾಮಾನ್ಯ ವಿಭಾಗದಲ್ಲಿ ಜಿಲ್ಲೆಯಲ್ಲಿ ಪ್ರಥಮ ಸ್ಥಾನಕ್ಕೆ ಅರ್ಹತೆ ಪಡೆದಿದೆ .

2014 ರಲ್ಲಿ ಶ್ರೀ ಶಾರದಾಂಬ ಶಾಲೆಯಲ್ಲಿ ಪ್ಲಸ್ ಟು ಪ್ರಾರಂಭಿಸಿದರು.ಅಂದಿನಿಂದ ಶಾಲೆಯು ತನ್ನ ಯಶಸ್ಸಿನ ಪ್ರಮಾಣದಲ್ಲಿ ಪ್ರಗತಿ ಸಾಧಿಸುತ್ತಿದೆ. ಈ   ಹಿಂದಿನ ಎಲ್ಲಾ ಪರೀಕ್ಷೆಗಳಲ್ಲಿ ಶೇ. 90 ರಷ್ಟು ತೇರ್ಗಡೆಯನ್ನು ನಿರಂತರವಾಗಿ ಕಾಯ್ದುಕೊಂಡಿದೆ.

ತೇರ್ಗಡೆಗೊಂಡ ವಿದ್ಯಾರ್ಥಿಗಳನ್ನು ಶಾಲಾ ಅಡಳಿತ ಸಮಿತಿ, ಶಾಲಾ ಪ್ರಾಂಶುಪಾಲರು,ಉಪನ್ಯಾಸಕರು, ರಕ್ಷಕ ಶಿಕ್ಷಕ ಹಾಗೂ ಮಾತೃ ಸಂಘ,ಹಳೆ ವಿದ್ಯಾರ್ಥಿ ಸಂಘಗಳು ಅಭಿನಂದಿಸಿದೆ.