ಹುಚ್ಚು ನಾಯಿ ರೋಗಕ್ಕಾಗಿ ಮೂರು ಸಲ ಲಸಿಕೆ ಪಡೆದಿದ್ದ ಏಳು ವರ್ಷದ ಬಾಲಕಿ ಆಸ್ಪತ್ರೆಯಲ್ಲಿ ಮೃತಪಟ್ಟ ಘಟನೆ ನಡೆದಿದೆ. ಕೊಲ್ಲಂ ಪತ್ತನಾಪುರಂ ನಿವಾಸಿ ನಿಯಾ ಫೈಸಲ್‌ ಮೃತಪಟ್ಟ ಬಾಲಕಿ. ತಿರುವನಂತಪುರಂ ಎಸ್.ಎ.ಟಿ.ಆಸ್ಪತ್ರೆಯಲ್ಲಿ ದಾಖಲಾಗಿದ್ದ ಬಾಲಕಿ ಆದಿತ್ಯವಾರ ರಾತ್ರಿ ಕೊನೆಯುಸಿರೆಳೆದಳು.
ಎಪ್ರಿಲ್ 8 ರಂದು ಮನೆಯಂಗಳದಲ್ಲಿ ಆಟವಾಡುತ್ತಿದ್ದ ಬಾಲಕಿಗೆ ಬೀದಿ‌ನಾಯಿ ಕಚ್ಚಿತ್ತು. ಬಾಲಕಿಯ ಕೈಗೆ ಗಾಯಗೊಂಡ ಹಿನ್ನೆಲೆಯಲ್ಲಿ ಕೂಡಲೇ ಆಸ್ಪತ್ರೆಗೆ ಕೊಂಡೊಯ್ದು ಹುಚ್ಚು ನಾಯಿ ರೋಗ ನಿರೋಧಕ ಲಸಿಕೆ ನೀಡಲಾಗಿತ್ತು. ಒಟ್ಟು 3 ಸಲ ಇದೆ ಲಸಿಕೆ ನೀಡಲಾಯಿತು. ಮೇ.6 ರಂದು ಪುನಃ ಲಸಿಕೆ ಪಡೆಯಲಿದ್ದು ಈ ವೇಳೆ ಬಾಲಕಿಗೆ ಜ್ವರ ಕಾಣಿಸಿಕೊಂಡಿತು.ಕೂಡಲೇ ತಪಾಸಣೆ ನಡೆಸಿದಾಗ ಮಗುವಿಗೆ ಹುಚ್ಚು ನಾಯಿ ರೋಗ ಹರಡಿರುವುದು ತಿಳಿದುಬಂತು. ಅನಂತರ ಬಾಲಕಿಯನ್ನು ಆಸ್ಪತ್ರೆಯಲ್ಲಿ ದಾಖಲಿಸಲಾಯಿತು.
ಕಳೆದ ಒಂದು ವಾರದಲ್ಲಿ ಹುಚ್ಚು ನಾಯಿ ಕಚ್ಚಿದ ನಂತರ ಲಸಿಕೆ ಪಡೆದೂ ಸಹ ಮೃತಪಟ್ಟ ಇದು ಎರಡನೇ ಘಟನೆಯಾಗಿದೆ.
0 Comments