ಪಿಕಪ್ ವಾಹನ ಡಿಕ್ಕಿ ಹೊಡೆದು ಪಾದಚಾರಿ ಸಾವು

 

ಪಿಕಪ್ ವಾಹನ ಡಿಕ್ಕಿ ಹೊಡೆದು ಪಾದಚಾರಿಯೋರ್ವರು ಸಾವನ್ನಪ್ಪಿದ್ದಾರೆ. ಚಿತ್ತಾರಿ ಪಿಲಕ್ಕಲ್‌ನ ಕುರುಂಬ್ರ ಮುಹಮ್ಮದ್ ಮುಸಲ್ಯಾರ್ (68) ಮೃತಪಟ್ಟವರು. ಶುಕ್ರವಾರ ರಾತ್ರಿ ಚಿತ್ತಾರಿ ಪಿಲಕ್ಕಲ್‌ನ ಆಲಿವ್ ಸೂಪರ್‌ ಮಾರ್ಕೆಟ್ ಮುಂದೆ ಈ ಅಪಘಾತ ಸಂಭವಿಸಿದೆ. ಜೀಬ್ರಾ ಲೈನ್‌ನಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಮುಸಲ್ಯಾರ್ ಅವರಿಗೆ ವಾಹನ ಡಿಕ್ಕಿ ಹೊಡೆದಿದೆ. ವಾಹನ ವೇಗವಾಗಿ ಬರುತ್ತಿತ್ತು ಎಂದು ಪ್ರತ್ಯಕ್ಷದರ್ಶಿಗಳು ತಿಳಿಸಿದ್ದಾರೆ. ಪತ್ನಿ ಉಮ್ಮು ಸಲ್ಮಾ, ಮಕ್ಕಳಾದ ಫಜಲು ರೆಹಮಾನ್, ಶಿಹಾಬುದ್ದೀನ್, ಹಿಂಬತ್ ರೆಹಮಾನ್, ಖಲೀಲು ರೆಹಮಾನ್, ಮತ್ತು ಸೊಸೆಯಂದಿರಾದ ಹಸೀನಾ ತಾತ್ತೂರ್, ಉಮ್ಮುಲ್ ಫಸ್ಲಾ, ಜುಮೈನಾ ಮತ್ತು ಸಲ್ಮಾ ಮೊದಲಾದವರನ್ನು ಅಗಲಿದ್ದಾರೆ.