ನಿಲ್ಲಿಸಿದ್ದ ಕಾರಿನಿಂದ ಗಾಂಜಾ ಮತ್ತು ಎಂಡಿಎಂಎ ವಶ : ಇಬ್ಬರ ಬಂಧನ

 

ಬದಿಯಡ್ಕ : ನಿಲ್ಲಿಸಿದ್ದ ಕಾರಿನಿಂದ ಗಾಂಜಾ ಮತ್ತು ಎಂಡಿಎಂಎ ವಶಪಡಿಸಿಕೊಂಡ ಪ್ರಕರಣದಲ್ಲಿ ಇಬ್ಬರನ್ನು ಬಂಧಿಸಲಾಗಿದೆ. ಸುಳ್ಯ ಆಲಟ್ಟಿ ಸಂಗಮ ನಿಲಯದ ಪೂಜಿತ್ ಸಾಗರ್ (29) ಮತ್ತು ಬದಿಯಡ್ಕದ ಚೆನ್ನಾರಕಟ್ಟೆ ನಿವಾಸಿ ರಂಜಿತ್ ರೈ (37) ಅವರನ್ನು ಬಂಧಿಸಲಾಗಿದೆ. ನಿನ್ನೆ (ಗುರುವಾರ) ಸಂಜೆ 6.30 ಕ್ಕೆ ಬದಿಯಡ್ಕ ಪೊಲೀಸ್ ಇನ್ಸ್‌ಪೆಕ್ಟರ್ ಅನೂಪ್ ಕೃಷ್ಣನ್ ನೇತೃತ್ವದಲ್ಲಿ ಗಸ್ತು ತಿರುಗುತ್ತಿದ್ದಾಗ, ಬೊಳುಕಟ್ಟೆಯ ಕನ್ಯಾನ ಕನ್ವೆನ್ಷನ್ ಹಾಲ್ ಬಳಿ ಅನುಮಾನಾಸ್ಪದವಾಗಿ ಕಂಡು ಬಂದ ಕಾರನ್ನು ತಪಾಸಣೆ ಮಾಡಲಾಯಿತು. 

ಪೂಜಿತ್ ಸಾಗರ್ ಕಾರಿನಲ್ಲಿ ರಂಜಿತ್ ರೈ ಅವರ ಪ್ಯಾಂಟ್‌ನ ಜೇಬಿನಲ್ಲಿ ಇರಿಸಲಾಗಿದ್ದ 95.89 ಗ್ರಾಂ ಗಾಂಜಾ ಮತ್ತು 0.36 ಗ್ರಾಂ ಎಂಡಿಎಂಎ ಪತ್ತೆಯಾಗಿದೆ. ಬಂಧಿತ ಇಬ್ಬರನ್ನು ಇಂದು ನ್ಯಾಯಾಲಯಕ್ಕೆ ಹಾಜರುಪಡಿಸಲಾಗುವುದು ಎಂದು ಪೊಲೀಸರು ತಿಳಿಸಿದ್ದಾರೆ. ಗ್ರೇಡ್ ಸೀನಿಯರ್ ಸಿವಿಲ್ ಪೊಲೀಸ್ ಅಧಿಕಾರಿ ಗೋಕುಲ, ಸಿವಿಲ್ ಪೊಲೀಸ್ ಅಧಿಕಾರಿಗಳಾದ ರಂಜಿತ್ ಮತ್ತು ವಿಬಿನ್ ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.