ಸಾಮಾಜಿಕ ಮಾಧ್ಯಮದಲ್ಲಿ ವಿಡಿಯೋ ಪ್ರಸಾರ : ಚರ್ಚ್ ಧರ್ಮಗುರುಗಳ ಮಾನಹಾನಿಗೆ ಯತ್ನಿಸಿದ ಇಬ್ಬರ ವಿರುದ್ಧ ಕೇಸು

ಕಾಸರಗೋಡು : ರಾಜಪುರಂನಲ್ಲಿರುವ ಹೋಲಿ ಫ್ಯಾಮಿಲಿ ಫೋರೋನಾ ಚರ್ಚ್‌ನ ಧರ್ಮಗುರು ಫಾದರ್ ಜೋಸೆಫ್ ಅರೀಚಿರಾ ಅವರ ಮಾನಹಾನಿಗೆ ಕಾರಣವಾಗುವ ವೀಡಿಯೊವೊಂದನ್ನು  ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರ ಮಾಡಿದ್ದಕ್ಕಾಗಿ ರಾಜಪುರಂ ಪೊಲೀಸರು ಇಬ್ಬರ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ. ರಾಜಪುರದ ಪಾಲಂಕಲ್ಲು ನಿವಾಸಿ ಕಡಲಿಮಟ್ಟಂ ನಿತಿನ್ ಬಾಬು ಮತ್ತು 1ನೇ ಮೈಲಿ ನಿವಾಸಿ ಪೂಜಿಕ್ಕಲ ಶೈನ್ ರಾಜು ವಿರುದ್ಧ ಪ್ರಕರಣ ದಾಖಲಾಗಿದೆ. ಸಮಾಜದಲ್ಲಿ ಕೋಲಾಹಲ ಸೃಷ್ಟಿಸುವ ಉದ್ದೇಶದಿಂದ ಉದ್ದೇಶಪೂರ್ವಕವಾಗಿ ಮಾನಹಾನಿಗೆ ಕಾರಣವಾಗುವ ವೀಡಿಯೊವನ್ನು ಮಾಡಿ ಸಾಮಾಜಿಕ ಮಾಧ್ಯಮದಲ್ಲಿ ಪ್ರಸಾರ ಮಾಡಿದ್ದಾರೆ ಎಂದು ದೂರು ದಾಖಲಿಸಲಾಗಿದೆ.