ಮುಳ್ಳೇರಿಯದಲ್ಲಿ ಯುವಕರಿಗೆ ಆಕ್ರಮಣ : 8 ಮಂದಿ ಬಂಧನ

 

ಅಡೂರು : ಮುಳ್ಳೇರಿಯದಲ್ಲಿ ಯುವಕರ ಮೇಲೆ ಹಲ್ಲೆ ನಡೆಸಿ ಕೊಲೆಗೆ ಯತ್ನಿಸಿದ ಪ್ರಕರಣದಲ್ಲಿ ಆದೂರು ಪೊಲೀಸರು ಎಂಟು ಆರೋಪಿಗಳನ್ನು ಬಂಧಿಸಿದ್ದಾರೆ. ಅಡೂರಿನ ಬಲ್ತಕಲ್ಲು ನಿವಾಸಿಗಳಾದ ಸಿ.ಪಿ. ತಾಜುದ್ದೀನ್ (34), ಅಬ್ದುಲ್ ಸತ್ತಾರ್ (30), ಸಿ.ಎ. ನಗರದ ಅಬ್ಬಾಸ್ ಫೈಸಲ್ (32) ಮೊಹಮ್ಮದ್ ಸುರಕತ್ (35), ಅಡೂರಿನ ಬನ್ನತಂಬಾಡಿಯ ಮೊಹಮ್ಮದ್ ರಫೀಕ್ (32), ಅಡೂರಿನ ಮುಕ್ಕೂರ್ ಹೌಸ್ ನಿವಾಸಿಗಳಾದ ಆಶಿಕ್ (19), ಮಂಜಂಪಾರದ ಎ.ಕೆ. ಅಬ್ದುರಹ್ಮಾನ್ ಅಸ್ಕಲ್ (19) ಮತ್ತು ಸಿ.ಎ. ನಗರದ ಮೊಹಮ್ಮದ್ ಆಸಿಫ್ (28) ಅವರನ್ನು ಬಂಧಿಸಲಾಗಿದೆ. ಮುಳ್ಳೇರಿಯದ ಮೊಯಂತನ್ಪಾರದ ಸುಲೈಮಾನ್ ಫಾರಿಸ್ (34) ಅವರ ದೂರಿನ ಮೇರೆಗೆ  ಪ್ರಕರಣದಲ್ಲಿರುವ ಆರೋಪಿಗಳನ್ನು ಬಂಧಿಸಲಾಗಿದೆ. ಘಟನೆಯಲ್ಲಿ ನ್ಯಾಯಾಲಯದಲ್ಲಿ ಆರೋಪಿಗಳು ಜಾಮೀನು ಅರ್ಜಿ ಸಲ್ಲಿಸಿದ್ದರು, ಆದರೆ ನ್ಯಾಯಾಲಯ ಜಾಮೀನು ನಿರಾಕರಿಸಿ ಮಾರ್ಚ್ 23 ರಂದು ತನಿಖಾಧಿಕಾರಿಯ ಮುಂದೆ ಹಾಜರಾಗುವಂತೆ ಸೂಚಿಸಿತು. ಇದರ ಬೆನ್ನಲ್ಲೇ ನಿನ್ನೆ ಬೆಳಿಗ್ಗೆ  ಆರೋಪಿಗಳ ಬಂಧನ ದಾಖಲಿಸಿಕೊಳ್ಳಲಾಗಿದೆ. ಮಾರ್ಚ್ 4 ರಂದು ರಾತ್ರಿ 10.30 ಕ್ಕೆ ಮುಳ್ಳೇರಿಯ ಮದೀನಾ ಹೋಟೆಲ್ ಬಳಿ ಈ ಘಟನೆ ನಡೆದಿತ್ತು. ಕಬಡ್ಡಿ ಪಂದ್ಯಾವಳಿ ಸ್ಥಳದಲ್ಲಿ ಹಿಂಸಾಚಾರ ತಡೆಯಲು ಪ್ರಯತ್ನಿಸಿದಾಗ ದೂರುದಾರರು ಮತ್ತು ಅವರ ಸ್ನೇಹಿತರ ನಡುವೆ ಹಲ್ಲೆ ನಡೆದಿದೆ ಎನ್ನಲಾಗಿದೆ.