ಶಿಕ್ಷಕಿಯಾದ ಪತ್ನಿಯನ್ನು ಬಸ್ಸಿಗೆ ಹತ್ತಿಸಿದ ನಂತರ ಪತಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ

 

ಕಾಸರಗೋಡು :  ಶಿಕ್ಷಕಿಯಾಗಿದ್ದ ಪತ್ನಿಯನ್ನು ಶಾಲೆಗೆ‌ ತೆರಳಲು  ಬಸ್ಸು ಹತ್ತಿಸಿದ  ಪತಿ ಮನೆಗೆ ಹಿಂದಿರುಗಿ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡ ಘಟನೆ ಪನತ್ತಡಿ ಎಂಬಲ್ಲಿ ನಡೆದಿದೆ. ಮೃತ ವ್ಯಕ್ತಿ ಪನತ್ತಡಿಯ ಶಂಕರ್ ಬೇಕರಿ ಮತ್ತು ಕೂಲ್‌ಬಾರ್‌ನ ಮಾಲೀಕ  ಕೆ.ಎನ್. ವೇಣು (52) ಎಂದು ಗುರುತಿಸಲಾಗಿದೆ. ಇಂದು ಬೆಳಿಗ್ಗೆ ಕಾರಿನಲ್ಲಿ ಪತ್ನಿಯನ್ನು ಪನತ್ತಡಿಯ ಬಸ್ ನಿಲ್ದಾಣದಲ್ಲಿ ಇಳಿಸಿದ ನಂತರ ಮನೆಗೆ ಮರಳಿದರು. ವೇಣು ಮನೆಯ ಮೊದಲ ಮಹಡಿಗೆ ಹೋಗಿ ಬಾರದಿರುವಾಗ ಅವರ ಮಗಳು ಹೋಗಿ ನೋಡಿದಾಗ ಮಲಗುವ ಕೋಣೆಯಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ನೆರೆಹೊರೆಯವರ ಸಹಾಯದಿಂದ ಅವರನ್ನು ತಕ್ಷಣ ಹತ್ತಿರದ ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಆದರೆ ಅವರು ಸಾವನ್ನಪ್ಪಿದ್ದರು.  ಪನತ್ತಡಿ ವ್ಯಾಪಾರಿ ಮತ್ತು ಕೈಗಾರಿಕಾ ಸಮನ್ವಯ ಸಮಿತಿಯ ಮಾಜಿ ಘಟಕ ಅಧ್ಯಕ್ಷರಾಗಿ, ಬಾಲಂಗೋಡ್ ಶಾಲೆಯ ಮಾಜಿ ಪಿಟಿಎ ಅಧ್ಯಕ್ಷರಾಗಿ ಮತ್ತು ಕೋಳಿಚ್ಷಾಲ್ ಲಯನ್ಸ್ ಕ್ಲಬ್‌ನ ಪದಾಧಿಕಾರಿಯಾಗಿ ಸೇವೆ ಸಲ್ಲಿಸಿದರು. ಇವರ ಪತ್ನಿ ಸರಿತಾ, ಕಾಞಂಗಾಡ್‌ನ ಅಜಾನೂರ್ ಇಕ್ಬಾಲ್ ಹೈಯರ್ ಸೆಕೆಂಡರಿ ಶಾಲೆಯಲ್ಲಿ ಶಿಕ್ಷಕಿಯಾಗಿ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ.ಮಕ್ಕಳಾದ ಶಂಕರ್ ಮತ್ತು ಅಂಜನಾ ಎಂಬಿವರನ್ನಗಲಿದ್ದಾರೆ.