ರಸ್ತೆ ಶೋಚನೀಯ ಸ್ಥಿತಿ ಖಂಡಿಸಿ ಯುವಮೋರ್ಚಾದಿಂದ ಪ್ರತಿಭಟನೆ

 

ಕಾಸರಗೋಡು: ಕರಂದಕ್ಕಾಡ್-ರೈಲ್ವೆ ಸ್ಟೇಷನ್ ರಸ್ತೆಯ ಶೋಚನೀಯ ಸ್ಥಿತಿ ಖಂಡಿಸಿ ಯುವಮೋರ್ಚಾ ಜಿಲ್ಲಾ ಸಮಿತಿ ಪ್ರತಿಭಟನೆ ನಡೆಸಿತು. ಕಾಸರಗೋಡು ತಾಲೂಕು ಕಚೇರಿ ಎದುರು ನಡೆದ ಪ್ರತಿಭಟನೆಯನ್ನು ಯುವಮೋರ್ಚಾ ಕಾಸರಗೋಡು ಜಿಲ್ಲಾಧ್ಯಕ್ಷ ಅಶ್ವಿನ್ ಕೊಲ್ಲಾಲ ಉದ್ಘಾಟಿಸಿದರು. ರಸ್ತೆಯ ದುಸ್ಥಿತಿಯಿಂದ ಜನರಲ್ಲಿ ಹೃದ್ರೋಗ ಸೇರಿದಂತೆ ಆರೋಗ್ಯ ಸಮಸ್ಯೆಗಳು ತಲೆದೋರುತ್ತಿದ್ದು, ಸರಕಾರ ತುರ್ತಾಗಿ ರಸ್ತೆ ಪುನರ್ ನಿರ್ಮಾಣಕ್ಕೆ ಮುಂದಾಗಬೇಕು ಎಂದು ಯುವಮೋರ್ಚಾ ಆಗ್ರಹಿಸಿದೆ.

ಯುವಮೋರ್ಚಾ ಜಿಲ್ಲಾ ಕಾರ್ಯದರ್ಶಿ ಗೋಕುಲ್ ದಾಸ್ ತ್ರಿಕರಿಪುರ, ಪ್ರದೀಪ್ ತಾಳಿಪಡ್ಪು, ಪ್ರಜ್ವಲ್ ಕೇಳುಗುಡ್ಡೆ, ಶಿವದೀಪ್ ಬೀರಂತಬೈಲ್, ಅಜಿತ್ ಕುಮಾರ್ ಕಡಪ್ಪುರ, ಗಣೇಶ್ ಅಡ್ಕತ್ತಬೈಲ್ ನೇತೃತ್ವ ವಹಿಸಿದ್ದರು.ಈ ಸಂದರ್ಭ ಕಾರ್ಯಕರ್ತರನ್ನು ಪೊಲೀಸರು ಬಂಧಿಸಿ ಪ್ರಕರಣ ದಾಖಲಿಸಿದ್ದಾರೆ.