ಎಎಸ್ಐ ಮನೆಗೆ ಕನ್ನವಿಕ್ಕಿದ ಕಳ್ಳರು ಏನೂ ಸಿಗದಿರುವಾಗ ಕಂಪ್ಯೂಟರ್ ಹಾನಿಗೈದು ಪರಾರಿ

ಕಾಸರಗೋಡು : ಅಂಬಲತ್ತರ ಠಾಣೆಯಲ್ಲಿ ಎಎಸ್ಐಯೋರ್ವರ  ಮನೆಗೆ ಕಳ್ಳರು ನುಗ್ಗಿ, ಸಿಸಿಟಿವಿ ಕ್ಯಾಮೆರಾ ಮುರಿದು ಹಾರ್ಡ್ ಡಿಸ್ಕ್ ಕದ್ದೊಯ್ದಿದ್ದಾರೆ. ಕೆ. ಜಯರಾಜನ್ ಅವರ ಮನೆಯಲ್ಲಿ ಕಳ್ಳತನ ನಡೆದಿದೆ. ಶುಕ್ರವಾರ ಸಂಜೆ ಜಯರಾಜನ್ ಮತ್ತು ಅವರ ಕುಟುಂಬ ಮನೆಯಲ್ಲಿ ಇರಲಿಲ್ಲ. ಶನಿವಾರ ಬೆಳಿಗ್ಗೆ ಮನೆಗೆ ಹಿಂದಿರುಗಿದಾಗ ಕಳ್ಳತನ ಗಮನಕ್ಕೆ ಬಂದಿದೆ. ಬಾಗಿಲಿನ ಬೀಗ ಮುರಿದು ಒಳನುಗ್ಗಿದ ಕಳ್ಳರು, ಸಿಸಿಟಿವಿ ಮುರಿದು ಹಾರ್ಡ್ ಡಿಸ್ಕ್ ಕದ್ದೊಯ್ದಿದ್ದಾರೆ. ಒಳಗಿನ ಲ್ಯಾಪ್‌ಟಾಪ್ ಮುರಿದು ಹೋಗಿದೆ. ಒಂದು ಲಕ್ಷ ರೂಪಾಯಿಗೂ ಹೆಚ್ಚು ಮೌಲ್ಯದ ಹಾನಿ ಸಂಭವಿಸಿದೆ. ಅಂಬಲತ್ತರ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಘಟನೆಯ ತನಿಖೆ ಆರಂಭಿಸಿದ್ದಾರೆ.