ಶ್ರೀ ರಾಘವೇಶ್ವರ ಶ್ರೀಗಳ ಅನುಗ್ರಹ ಮಂತ್ರಾಕ್ಷತೆ ಪಡೆದ ಬದಿಯಡ್ಕ ಬಿಜೆಪಿ ಅಭ್ಯರ್ಥಿಗಳು

 

ಬದಿಯಡ್ಕ: ತ್ರಿಸ್ತರ ಪಂಚಾಯತಿ ಚುನಾವಣೆಯ ಭಾಗವಾಗಿ ಬದಿಯಡ್ಕ ಗ್ರಾಮ ಪಂಚಾಯತ್ ಬಿಜೆಪಿ ಅಭ್ಯರ್ಥಿಗಳು ಶ್ರೀರಾಮಚಂದ್ರಾಪುರ ಮಠದ ಶ್ರೀ ರಾಘವೇಶ್ವರ ಭಾರತೀ ಮಹಾಸ್ವಾಮಿಗಳವರನ್ನು ಕಿಳಿಂಗಾರು ಸಾಯಿಮಂದಿರದಲ್ಲಿ ಭೇಟಿಯಾಗಿ ಆಶೀರ್ವಾದ ಪಡೆದುಕೊಂಡರು. ಬಾಲಕೃಷ್ಣ ಶೆಟ್ಟಿ ಕಡಾರು, ಅಶ್ವಿನಿ ಮೊಳೆಯಾರು, ಶಂಕರ ಡಿ., ಶ್ಯಾಮಪ್ರಸಾದ ಸರಳಿ, ಹರೀಶ ಕಿಳಿಂಗಾರು, ಕಾಸರಗೋಡು ಬ್ಲೋಕು ಪಂಚಾಯತ್ ನೀರ್ಚಾಲು ಡಿವಿಶನ್ ಅಭ್ಯರ್ಥಿ ಮಹೇಶ್ ವಳಕ್ಕುಂಜ, ಕಾಸರಗೋಡು ಜಿಲ್ಲಾಪಂಚಾಯತ್ ಪುತ್ತಿಗೆ ಡಿವಿಶನ್ ಅಭ್ಯರ್ಥಿ ಮಣಿಕಂಠ ರೈ ಜೊತೆಗಿದ್ದರು.