ಕೋಝಿಕ್ಕೋಡ್ ಆಸ್ಪತ್ರೆಯಲ್ಲಿ ಕಾಣಿಸಿಕೊಂಡ ಬೆಂಕಿ - ಪ್ರಾಣಾಪಾಯವಿಲ್ಲ- ಶಮನ ಕಾರ್ಯ ಪೂರ್ಣ

ಕೋಝಿಕ್ಕೋಡ್ : ಇಲ್ಲಿನ ನಗರದ ಬೋಬಿ ಸ್ಮಾರಕ ಆಸ್ಪತ್ರೆಯಲ್ಲಿ ಬೆಂಕಿ ಆಕಸ್ಮಿಕ ಸಂಭವಿಸಿದೆ. 9ನೇ ಮಹಡಿಯ ಎಸಿ ಪ್ಲಾಂಟಿನಲ್ಲಿ ಬೆಂಕಿ ಕಾಣಿಸಿಕೊಂಡಿದೆ. ಶನಿವಾರ  ಬೆಳಗ್ಗೆ ಸುಮಾರು 9.20ರ ವೇಳೆ ಅಗ್ನಿ ದುರಂತ ನಡೆದಿದೆ. ತಕ್ಷಣ ಆಸ್ಪತ್ರೆ ಉದ್ಯೋಗಿಗಳು, ರೋಗಿಗಳ ಪರಿಚಾರಕರು ಸೇರಿ ಪ್ರಾಥಮಿಕ ತುರ್ತು ಶಮನ ಕಾರ್ಯಚರಣೆ ನಡೆಸಿದ್ದು ಬಳಿಕ ಅಗ್ನಿ ಶಾಮಕ ದಳ ಸ್ಥಳಕ್ಕೆ ಆಗಮಿಸಿತ್ತು. ಐದು ಅಗ್ನಿಶಾಮಕ ದಳಗಳಿಂದ ಬೆಂಕಿ ಶಮನ ಕಾರ್ಯ ನಡೆದಿತ್ತು. ರೋಗಿಗಳಿಗೂ ಉಳಿದವರಿಗೂ ಯಾವುದೇ ಅಪಾಯ ಉಂಟಾಗಿಲ್ಲ. ಇದೀಗ ಬೆಂಕಿ ನಂದಿಸಿ ಕೆಳಗೆ 8ನೇ ಮಹಡಿಯ  ರೋಗಿಗಳನ್ನು ಸ್ಥಳಾಂತರಿಸುವ ಕಾರ್ಯ ನಡೆಯುತ್ತಿದೆ. ಆಸ್ಪತ್ರೆಯ ಮೆಲ್ಬಾಗದ 9 ನೇ ಮಹಡಿಯಲ್ಲಿ ಎಸಿ ಪ್ಲಾಂಟ್ ಕಾರ್ಯಚರಿಸುತ್ತಿದ್ದು ಈ ಸಂಬಂಧ ಶಾರ್ಟ್ ಸರ್ಕ್ಯೂಟ್ ನಿಂದ ಬೆಂಕಿ ಕಾಣಿಸಿಕೊಂಡಿರಬೇಕೆಂದು ಪ್ರಥಮ ವರದಿಯಾಗಿದೆ