ಬದಿಯಡ್ಕ ಮುಸ್ಲಿಂ ಲೀಗ್ ನಲ್ಲಿ ಭಿನ್ನಮತ ಸ್ಪೋಟ : ಹಿರಿಯ ನೇತಾರ ಹಮೀದ್ ಪಳ್ಳತ್ತಡ್ಕ ರಾಜಿನಾಮೆ

 

ಬದಿಯಡ್ಕ : ತ್ರಿಸ್ತರ ಪಂಚಾಯತ್ ಚುನಾವಣೆಯ ಅಭ್ಯರ್ಥಿ ಪಟ್ಟಿ ಅಂತಿಮಗೊಳ್ಳುತ್ತಿರುವ ನಡುವೆ ಪಕ್ಷ ಅಸಮಾಧಾದಿಂದ ಭಿನ್ನಮತ ಸ್ಪೋಟಗೊಳ್ಳುತ್ತಿದ್ದು ಬದಿಯಡ್ಕ ಪಂಚಾಯತಿನ ಮುಸ್ಲಿಂಲೀಗ್ ನೇತಾರನೋರ್ವನ ಏಕಾಧಿಪತ್ಯ ಧೋರಣೆಗೆದುರಾಗಿ ಮುಸ್ಲಿಂ ಲೀಗ್ ಹಿರಿಯ ನೇತಾರ, ಪಂಚಾಯತ್ ಸಮಿತಿ ಉಪಾಧ್ಯಕ್ಷ, ಗ್ರಾಮ ಪಂಚಾಯತ್ ಸದಸ್ಯ ಹಮೀದ್ ಪಳ್ಳತ್ತಡ್ಕ ಪಕ್ಷದ ಪ್ರಾಥಮಿಕ ಸದಸ್ಯತ್ವಕ್ಕೆ ರಾಜಿನಾಮೆ ನೀಡಿದ್ದಾರೆ. ಪಂಚಾಯತ್ ಸಮಿತಿ ಅಧ್ಯಕ್ಷರಿಗೆ ರಾಜಿನಾಮೆ ಪತ್ರ ಸಲ್ಲಿಸಿದ ಹಮೀದ್  ಇದೀಗ ಬದಿಯಡ್ಕ ಪಂ.ನ 9ನೇ ವಾರ್ಡ್ ಯುಡಿಎಫ್ ಅಭ್ಯರ್ಥಿಯ ವಿರುದ್ಧ ಸ್ವತಂತ್ರ ಅಭ್ಯರ್ಥಿಯಾಗಿ ಸ್ಪರ್ಧಿಸುತ್ತಿದ್ದಾರೆ.  ಹಿರಿಯ ಮುಸ್ಲಿಂ ಲೀಗ್ ನೇತಾರರಾಗಿದ್ದ ದಿವಂಗತ ಹಾಜಿ ಬಿ.ಕೆ.ಫಸಲ್ ಅವರ ಪುತ್ರರಾಗಿರುವ ಹಮೀದ್ ಈ ಹಿಂದೆ ಮುಸ್ಲಿಂಲೀಗ್ ನ್ನು ಪ್ರತಿನಿಧೀಕರಿಸಿಕೊಂಡು ಎರಡು ಸಲ ಪಂಚಾಯತ್ ಸದಸ್ಯರಾಗಿ ಆಯ್ಕೆಯಾಗಿದ್ದರು.