ಸೀತಾಂಗೋಳಿಯ ಪೆಟ್ರೋಲ್ ಪಂಪ್ ಬಳಿಯ ಗೂಡಂಗಡಿ ಕಳವು

 

ಸೀತಾಂಗೋಳಿ :  ಪೆಟ್ರೋಲ್ ಪಂಪ್ ಬಳಿಯ ಗೂಡಂಗಡಿಯೊಂದರಲ್ಲಿ  ರವಿವಾರ ರಾತ್ರಿ  ಕಳ್ಳತನವಾದ ಪ್ರಕರಣ ಸೋಮವಾರ ಬೆಳಿಗ್ಗೆ ಬೆಳಕಿಗೆ ಬಂದಿದೆ. ಸೀತಾಂಗೋಳಿ ನಿವಾಸಿ ನಬೀಸಾ ಉಮ್ಮಾ ಅವರಿಗೆ ಸೇರಿದ  ಗೂಡಂಗಡಿ ಇದಾಗಿದೆ. ರವಿವಾರ ಅಂಗಡಿಗೆ ರಜೆಯಾಗಿತ್ತು. ಸೋಮವಾರ ಬೆಳಿಗ್ಗೆ ಅಂಗಡಿ ತೆರೆಯಲು ನಬೀಸಾ ಬಂದಾಗ ಬಾಗಿಲು ಮುರಿದಿರುವುದು ಕಂಡುಬಂದಿದೆ. ಒಳಗೆ ನೋಡಿದಾಗ, ಗ್ಯಾಸ್ ಸಿಲಿಂಡರ್‌ಗಳು, ಗಂಜಿ ಮಾಡುವ  ಅಕ್ಕಿ ಮತ್ತು ಜಾಡಿಗಳಲ್ಲಿ ಇರಿಸಲಾಗಿದ್ದ ಸಿಹಿತಿಂಡಿಗಳನ್ನು ಕದ್ದಿರುವುದು ಸ್ಪಷ್ಟವಾಯಿತು. ಕಳ್ಳರು ಕಬ್ಬಿಣದ ಗ್ರಿಲ್‌ನ ಬೀಗ ಮುರಿದು ಮೂರು ಗ್ಯಾಸ್ ಸಿಲಿಂಡರ್‌ಗಳು, ಗಂಜಿ ಮಾಡುವ ಅಕ್ಕಿ ಮತ್ತು ಸಿಹಿತಿಂಡಿಗಳನ್ನು ಕದ್ದಿದ್ದಾರೆ.  ಈ ಬಗ್ಗೆ  ಬದಿಯಡ್ಕ  ಪೊಲೀಸರು ಸ್ಥಳಕ್ಕೆ ತಲುಪಿ ಪ್ರಕರಣ ದಾಖಲಿಸಿ ತನಿಖೆ ನಡೆಸುತ್ತಿದ್ದಾರೆ.