ಬದಿಯಡ್ಕದಲ್ಲಿ ತ್ಯಾಜ್ಯ ಗುಂಡಿಗೆ ಬಿದ್ದ ಗರ್ಭಿಣಿ ಹಸುವನ್ನು ರಕ್ಷಿಸಿದ ಅಗ್ನಿಶಾಮಕ ದಳ

 

ಬದಿಯಡ್ಕ: ಹುಲ್ಲು ಮೇಯುತ್ತಿದ್ದ ಗರ್ಭಿಣಿ ಹಸುವೊಂದು ಆಕಸ್ಮಿಕವಾಗಿ ಜಾರಿ ತ್ಯಾಜ್ಯ ಗುಂಡಿಗೆ ಬಿದ್ದಿದ್ದು ಅಗ್ನಿಶಾಮಕ ದಳ ಆಗಮಿಸಿ ರಕ್ಷಿಸಿದ ಘಟನೆ  ಬೇಳದಲ್ಲಿ ನಡೆದಿದೆ. ಬೇಳದ ಅಬ್ದುಲ್ ಖಾದರ್ ಅವರ ಮನೆಯಲ್ಲಿ ಆರು ಅಡಿ ಆಳ, ಆರು ಅಡಿ ಉದ್ದ ಮತ್ತು ಮೂರು ಅಡಿ ಅಗಲವಿರುವ ತ್ಯಾಜ್ಯ ಗುಂಡಿಗೆ ಬಿದ್ದ ಹಸುವನ್ನು ಸ್ಥಳೀಯರ ಸಹಾಯದಿಂದ  ಹೊರತೆಗೆಯಲು ಪ್ರಯತ್ನಿಸಿದರೂ, ಸಾಧ್ಯವಾಗಲಿಲ್ಲ, ಆದ್ದರಿಂದ ಅವರು ಕಾಸರಗೋಡು ಅಗ್ನಿಶಾಮಕ ಇಲಾಖೆಗೆ ಮಾಹಿತಿ ನೀಡಿದ್ದು. ಸಹಾಯಕ ಠಾಣಾಧಿಕಾರಿ ಆರ್. ವಿನೋದ್ ಕುಮಾರ್ ನೇತೃತ್ವದಲ್ಲಿ, ಅಗ್ನಿಶಾಮಕ ದಳದ ಸಿಬ್ಬಂದಿ ಆಗಮಿಸಿ ರಕ್ಷಣಾ ಕಾರ್ಯ ನಡೆಸಿದರು. ಹಸುವಿನ ಮಾಲೀಕರು ಯಾರೆಂದು ತಿಳಿದು ಬಂದಿಲ್ಲ. ಅಗ್ನಿಶಾಮಕ ದಳದ ಎಸ್. ಅರುಣ್ ಕುಮಾರ್, ಜೆ. ಬಿ. ಜಿಜೊ, ವೈಶಾಖ್ ಪಾರ್ಥಸಾರಥಿ ಎಂ. ಎಂ. ಅರುಣ್‌ಕುಮಾರ್, ಜೆ. ಆನಂದ, ಫೈರ್ ವುಮನ್, ಅರುಣಾ ಪಿ. ನಾಯರ್ ಮತ್ತು ಗೃಹರಕ್ಷಕ ದಳದ ವಿ. ರಾಜು ಮತ್ತು ಕೆ. ಸುಮೇಶ್ ಸಹಕರಿಸಿದರು.