ಶಬರಿಮಲೆಗೆ ತೆರಳಿ ಹಿಂತಿರುಗುವ ಕಾರಿಗೆ ಕೆಎಸ್ಸಾರ್ಟಿಸಿ ಬಸ್ಸು ಡಿಕ್ಕಿ : ಇಬ್ಬರು ಸ್ಥಳದಲ್ಲಿಯೇ ಮೃತ್ಯು

 

ಕೊಲ್ಲಂ: ಶಬರಿಮಲೆಗೆ ತೆರಳಿ ದೇವರ ದರ್ಶನಗೈದು ಮರಳುತ್ತಿದ್ದ ಕಾರಿಗೆ  ಕೇರಳ ರಾಜ್ಯ ಸಾರಿಗೆ ಬಸ್   ಡಿಕ್ಕಿ ಹೊಡೆದ ಪರಿಣಾಮ ಇಬ್ಬರು ಯುವಕರು ಸಾವನ್ನಪ್ಪಿದ್ದಾರೆ. ಕಾರಿನಲ್ಲಿದ್ದ ಏಳು ವರ್ಷದ ಮಗುವಿನ ಸ್ಥಿತಿ ಗಂಭೀರವಾಗಿದೆ. ಮೃತರನ್ನು ತಿರುವನಂತಪುರದ ಪೂಜಾಪುರದ ನೆಡುಂಪುರಂನಲ್ಲಿ ವಾಸಿಸುವ ಬಿಜು ಚಂದ್ರಶೇಖರನ್ (38) ಮತ್ತು ಅವರ ಸ್ನೇಹಿತ ಸತೀಶ್ (45) ಎಂದು ಗುರುತಿಸಲಾಗಿದೆ. ಬಿಜು ಅವರ ಮಗ ದೇವಪ್ರಕಾಶ್ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಸೋಮವಾರ ಸಂಜೆ ಸುಮಾರು 6 ಗಂಟೆ ಸುಮಾರಿಗೆ ಈ ಅಪಘಾತ ಸಂಭವಿಸಿದೆ. ಶಬರಿಮಲೆಗೆ ಭೇಟಿ ನೀಡಿ ಹಿಂತಿರುಗುತ್ತಿದ್ದ ಕಾರು ತಿರುವನಂತಪುರದಿಂದ ಕೊಟ್ಟಾರಕ್ಕರಕ್ಕೆ ಹೋಗುತ್ತಿದ್ದ ಕೆ.ಎಸ್.ಆರ್.ಟಿ.ಸಿ ಬಸ್‌ಗೆ ಡಿಕ್ಕಿ ಹೊಡೆದಿದೆ. ಕಾರಿನಲ್ಲಿ ಮೂವರು ಪ್ರಯಾಣಿಕರಿದ್ದರು. ಬಿಜು ಕಾರು ಚಲಾಯಿಸುತ್ತಿದ್ದು, ದೇವಪ್ರಕಾಶ್ ಮುಂದಿನ ಸೀಟಿನಲ್ಲಿದ್ದರು. ಸತೀಶ್  ಹಿಂದಿನ ಸೀಟಿನಲ್ಲಿದ್ದರು. ಅಪಘಾತದಲ್ಲಿ ಕಾರಿನ ಮುಂಭಾಗ ಸಂಪೂರ್ಣವಾಗಿ ನಾಶವಾಗಿದೆ. ಕಡಕ್ಕಲ್ ನಿಂದ ಬಂದ ಅಗ್ನಿಶಾಮಕ ದಳ ಮತ್ತು ಚಾದಯಮಂಗಲಂ ಪೊಲೀಸರು ಜಂಟಿಯಾಗಿ ಕಾರನ್ನು ಕತ್ತರಿಸಿ ಗಾಯಾಳುಗಳನ್ನು ಹೊರ ತೆಗೆದರು.