ಕೇರಳ ಕರ್ನಾಟಕ ನಡುವಣ ಬೃಹತ್ ಮದ್ಯ ಕಳ್ಳಸಾಗಣೆಯ ಪ್ರಮುಖ ಸೂತ್ರಧಾರನ‌ ಸೆರೆ

 

ಕುಂಬಳೆ: ಕೇರಳಕ್ಕೆ ಗೋವಾ ಮದ್ಯವನ್ನು ಭಾರೀ ಪ್ರಮಾಣದಲ್ಲಿ ಸಾಗಿಸುತ್ತಿದ್ದ ಗ್ಯಾಂಗ್‌ನ ಪ್ರಮುಖ ಸೂತ್ರಧಾರನನ್ನು ಕರ್ನಾಟಕದ ಹೊನ್ನಾವರದಿಂದ ಕುಂಬಳೆ ಅಬಕಾರಿ ಇಲಾಖೆ  ಬಂಧಿಸಿದೆ. 2023 ರಲ್ಲಿ ಮಂಜೇಶ್ವರ ಚೆಕ್‌ಪೋಸ್ಟ್‌ನಲ್ಲಿ 2484 ಲೀಟರ್ ಗೋವಾ ಮದ್ಯ ವಶಪಡಿಸಿಕೊಂಡ ಪ್ರಕರಣದ ಪ್ರಮುಖ ಆರೋಪಿ ಕರ್ನಾಟಕದ ಕಾರವಾರ ಮೂಲದ ರಾಧಾಕೃಷ್ಣ ಎಸ್. ಕಾಮತ್ (61) ಅವರನ್ನು ಬಂಧಿಸಲಾಗಿದೆ. ಕಾಸರಗೋಡು ನ್ಯಾಯಾಲಯವು ವಾರಂಟ್ ಹೊರಡಿಸಿದ ನಂತರ ಅವರು ಬಹಳ ದಿನಗಳಿಂದ ತಲೆಮರೆಸಿಕೊಂಡಿದ್ದರಲ್ಲದೆ, ಅಬಕಾರಿ ಇಲಾಖೆ ನಡೆಸಿದ ರಹಸ್ಯ ಕಣ್ಗಾವಲಿನ ನಂತರ, ಇನ್ಸ್‌ಪೆಕ್ಟರ್ ಶ್ರವಣ್ ಕೆ.ವಿ ಮತ್ತು ಅವರ ತಂಡವು ಹೊನ್ನಾವರ ಪೊಲೀಸರ ಸಹಾಯದಿಂದ ಆರೋಪಿಯನ್ನು ಅವರ ಮನೆಯ ಮುಂದೆ ಬಂಧಿಸಿದೆ. ಗೋವಾ ಮತ್ತು ಕರ್ನಾಟಕದಿಂದ ಕೇರಳಕ್ಕೆ ಮದ್ಯ ಕಳ್ಳಸಾಗಣೆ ಮಾಡುವ ಪ್ರಮುಖ ಕೊಂಡಿ ಈತ ಎನ್ನಲಾಗಿದೆ. ಆರೋಪಿಯನ್ನು ಸಂಜೆ ಕಾಸರಗೋಡು ನ್ಯಾಯಾಂಗ ಪ್ರಥಮ ದರ್ಜೆ ಮ್ಯಾಜಿಸ್ಟ್ರೇಟ್ ನ್ಯಾಯಾಲಯ-I ರ ಮುಂದೆ ಹಾಜರುಪಡಿಸಲಾಯಿತು, ಅವರನ್ನು ಫೆಬ್ರವರಿ 11 ರವರೆಗೆ ವಶಕ್ಕೆ ಪಡೆಯಲಾಗಿದೆ. ತನಿಖಾ ತಂಡದಲ್ಲಿ ಪ್ರಿವೆಂಟಿವ್ ಅಧಿಕಾರಿಗಳಾದ ಮಾನಸ್ ಕೆ. ವಿ, ಜಿಜಿನ್ ಎಂ. ವಿ, ಸಿವಿಲ್ ಅಬಕಾರಿ ಅಧಿಕಾರಿ ಅಖಿಲೇಶ್ ಎಂ. ಎಂ, ಮತ್ತು ಚಾಲಕ ಪ್ರವೀಣ್ ಕುಮಾರ್ ಪಿ ಭಾಗಿಗಳಾಗಿದ್ದರು.