ನಟ ವಿಜಯ್ ದೇವರಕೊಂಡ ಹಾಗೂ ನಟಿ ರಶ್ಮಿಕಾ ಮಂದಣ್ಣ ಗೃಹಸ್ಥಾಶ್ರಮಕ್ಕೆ ಪ್ರವೇಶ

 ಬೆಂಗಳೂರು : ದಕ್ಷಿಣ ಭಾರತದ ಸಿನಿಮಾರಂಗದಲ್ಲಿ ಬಹುಕಾಲದಿಂದ ಚರ್ಚೆಗೆ ಗ್ರಾಸವಾಗಿದ್ದ ಪ್ರೇಮಕಥೆ ಕೊನೆಗೂ ಮದುವೆಯ ಮಂಟಪದಲ್ಲಿ ಸುಖಾಂತ್ಯಗೊಂಡಿದೆ. ಜನಪ್ರಿಯ ನಟ ವಿಜಯ್ ದೇವರಕೊಂಡ ಹಾಗೂ ನಟಿ ರಶ್ಮಿಕಾ ಮಂದಣ್ಣ ಅವರು ರಾಜಸ್ಥಾನದ ಸುಂದರ ನಗರಿ ಉದಯಪುರದಲ್ಲಿ ವೈಭವವಾಗಿ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ದೀರ್ಘಕಾಲದಿಂದ ಪರಸ್ಪರ ಪ್ರೀತಿಸುತ್ತಿದ್ದ ಈ ಜೋಡಿ, ಕುಟುಂಬಸ್ಥರು ಮತ್ತು ಆಪ್ತರ ಸಮ್ಮುಖದಲ್ಲಿ ಸಪ್ತಪದಿ ತುಳಿದು ಜೀವನ ಆರಂಭಿಸಿದ್ದಾರೆ. ವಿವಾಹ ಸಮಾರಂಭದಲ್ಲಿ ಇಬ್ಬರೂ ಸಾಂಪ್ರದಾಯಿಕ ಉಡುಪಿನಲ್ಲಿ ಅದ್ಭುತವಾಗಿ ಮಿಂಚಿದರು. ಖ್ಯಾತ ಡಿಸೈನರ್ ಅನಾಮಿಕ್ ಖಾನ್ ಈ ಸ್ಟಾರ್ ಜೋಡಿಗೆ ವಿಶೇಷವಾಗಿ ಡ್ರೆಸ್ ವಿನ್ಯಾಸ ಮಾಡಿದ್ದು, ಅವರ ವೇಷಭೂಷಣಕ್ಕೆ ರಾಜಮರ್ಯಾದೆಯ ಛಾಪು ತಂದಿತು. ರಶ್ಮಿಕಾ ಮಂದಣ್ಣ ಅವರ ನಾಜೂಕಾದ ಆಭರಣಗಳು ಮತ್ತು ವಿಜಯ್ ದೇವರಕೊಂಡ ಅವರ ಸೊಗಸಾದ ಪೋಷಾಕು ಸಮಾರಂಭದ ವೈಭವವನ್ನು ಮತ್ತಷ್ಟು ಹೆಚ್ಚಿಸಿತು.