ಕಾಞಂಗಾಡ್ ರಸ್ತೆ ಅಪಘಾತಕ್ಕೆ ಇಬ್ಬರು ಬಲಿ

ಕಾಸರಗೋಡು: ಕಾಞಂಗಾಡ್, ಮಾಣಿಕೋತ್ ಮಡಿಯನ್ ನಲ್ಲಿ ನಡೆದ ರಸ್ತೆ ಅಪಘಾತದಲ್ಲಿ ಇಬ್ಬರು ಸಾವನ್ನಪ್ಪಿದ್ದಾರೆ. ಮೃತರನ್ನು ಚಿತ್ತಾರಿ ಮೂಲದ ದಿವಂಗತ ಮೊಹಮ್ಮದ್ ಅವರ ಪುತ್ರ ಮಜೀದ್ (55) ಮತ್ತು ಮೀನಾಪಿಸ್ ಮೂಲದ ರಹೀಮ್ ಅವರ ಪುತ್ರ ನಫೀಹ್ (17) ಎಂದು ಗುರುತಿಸಲಾಗಿದೆ. ಭಾನುವಾರ ಬೆಳಗಿನ ಜಾವ 2.30 ರ ಸುಮಾರಿಗೆ ಮಾಣಿಕೋತ್ ನ ಮಡಿಯನ್ ನಲ್ಲಿರುವ ರಹಮಾನಿಯಾ ರೆಸ್ಟೋರೆಂಟ್ ಬಳಿ ಈ ಅಪಘಾತ ಸಂಭವಿಸಿದೆ. ಮಜೀದ್ ರಸ್ತೆ ದಾಟುತ್ತಿದ್ದಾಗ ಬೈಕ್ ಡಿಕ್ಕಿ ಹೊಡೆದಿದೆ. ಮೀನಾಪಿಸ್ ಮೂಲದ ಹಾಶಿಮ್ ಅವರ ಪುತ್ರ ಶೇಖ್ ಅಮಾನ್ ಹಾಶಿಮ್ (17) ಅಪಘಾತದಲ್ಲಿ ಗಾಯಗೊಂಡಿದ್ದಾರೆ. ಮೃತದೇಹಗಳನ್ನು ಜಿಲ್ಲಾ ಆಸ್ಪತ್ರೆಯ ಶವಾಗಾರಕ್ಕೆ ಸ್ಥಳಾಂತರಿಸಲಾಗಿದೆ.