ಹೈಯರ್ ಸೆಕೆಂಡರಿ ಪರೀಕ್ಷಾ ಫಲಿತಾಂಶ ದಿನಾಂಕ ಬದಲಾವಣೆ

 

ತಿರುವನಂತಪುರ : ಹೈಯರ್ ಸೆಕೆಂಡರಿ ಪರೀಕ್ಷಾ ಫಲಿತಾಂಶ ಪ್ರಕಟಣೆಯ ದಿನಾಂಕ ಬದಲಾಗಿದೆ.  ಮೇ 22 ರಂದು ಫಲಿತಾಂಶ ಪ್ರಕಟಿಸಲಾಗುವುದು ಎಂದು  ಘೋಷಿಸಲಾಗಿದ್ದು,  ಆದರೆ  ಮೇ 25 ರಂದು ಫಲಿತಾಂಶವನ್ನು ಪ್ರಕಟಿಸಲಾಗುವುದು. ಇಂದಿನಿಂದ ಹೈಯರ್ ಸೆಕೆಂಡರಿ ಮೌಲ್ಯಮಾಪನ ಪ್ರಾರಂಭವಾಗಲಿದೆ ಎಂದು ಶಿಕ್ಷಣ ಸಚಿವ ವಿ. ಶಿವನ್‌ಕುಟ್ಟಿ ಘೋಷಿಸಿದರು. 

ಈ ವರ್ಷದ ಪ್ರವೇಶೋತ್ಸವ ಜೂನ್ 1 ರಂದು ನಡೆಯಲಿದೆ. ಈ ವರ್ಷ, 5 ನೇ ತರಗತಿಯಿಂದ ಪರೀಕ್ಷೆಯಲ್ಲಿ  30 ಪ್ರತಿಶತ ಅಂಕಗಳನ್ನು ಪಡೆಯದವರಿಗೆ ಎರಡು ವಾರಗಳ ಹೆಚ್ಚುವರಿ ತರಗತಿಗಳು ಇರುತ್ತವೆ ಮತ್ತು ಬಳಿಕ ಸೇ ಪರೀಕ್ಷೆಯನ್ನು ನಡೆಸಲಾಗುತ್ತದೆ. ಹೊಸ ಶೈಕ್ಷಣಿಕ ವರ್ಷಕ್ಕೆ ಪ್ರವೇಶಾತಿ  ಮೇ 2 ರಿಂದ ಪ್ರಾರಂಭವಾಗುತ್ತವೆ. ಶಾಲೆಗಳಲ್ಲಿ  ಪ್ರವೇಶ ಪರೀಕ್ಷೆಗಳನ್ನು ನಡೆಸಬಾರದು. ಶಾಲಾ ನಿರ್ವಹಣೆಯನ್ನು ಮೇ 30 ರೊಳಗೆ ಪೂರ್ಣಗೊಳಿಸಬೇಕು ಎಂದು ಶಿವನ್‌ಕುಟ್ಟಿ ಹೇಳಿದರು.