ವಾಹನದ ಫ್ಯಾನ್ಸಿ ನಂಬರ್ 1.17 ಕೋಟಿಗೆ ಏಲಂ ; ದೇಶದಲ್ಲಿಯೇ ಅಚ್ಚರಿಯ ಘಟನೆ ನಡೆದಿರುವುದು ಹರಿಯಾಣದಲ್ಲಿ

ನವದೆಹಲಿ : ವಾಹನ ನೋಂದಣಿಯ ಫ್ಯಾನ್ಸಿ ಸಂಖ್ಯೆಯೊಂದು 1.17 ಕೋಟಿ ರೂ.ಗೆ ಏಲಂ ಆಗಿ ಬೇಡಿಕೆ ಕಂಡುಕೊಂಡಿದೆ. 45 ಜನರು ಹರಾಜಿನಲ್ಲಿ ಭಾಗವಹಿಸಿದ್ದರು. ಏಲಂನಲ್ಲಿ 'ವಿಐಪಿ' ಸಂಖ್ಯೆ HR 88B 8888 ದೇಶದಲ್ಲಿ ಅತಿ ಹೆಚ್ಚು ಬೆಲೆಗೆ ಹರಾಜಾಯಿತು. ಹರಿಯಾಣದ HR ನಂತರ ಇರುವ ಎಂಟು ಎಂಬುದು ಬಿ ಎಂಬ ಇಂಗ್ಲಿಷ್ ಅಕ್ಷರದೊಂದಿಗೆ ಸಾಮ್ಯತೆ ಇರುವ ಅಂಕೆ ಆದ ಕಾರಣ ಈ ಸಂಖ್ಯೆ ಅತೀ ಹೆಚ್ಚು ಗಮನಸೆಳೆಯಿತು. ಮೂಲ ಬೆಲೆಯನ್ನು 50,000 ರೂ.ಗೆ ನಿಗದಿಪಡಿಸಲಾಗಿತ್ತು. ಆದರೆ ಆನ್‌ಲೈನ್ ನಲ್ಲಿ ಏಲಂ ಪ್ರಕಟವಾಗುತ್ತಿದ್ದಂತೆ  ಬೆಲೆ 1 ಕೋಟಿ ರೂ. ದಾಟಿತು. ಕಳೆದ ವಾರ, HR22 W2222 ಸಂಖ್ಯೆಯು  37.91 ಲಕ್ಷ ರೂ.ಗೆ ಹರಾಜಾಗಿತ್ತು. ಕೇರಳದಲ್ಲಿ, ಏಪ್ರಿಲ್‌ನಲ್ಲಿ, KL 07 DG 0007 ಸಂಖ್ಯೆಯು 46.24 ಲಕ್ಷ ರೂ.ಗೆ ಹರಾಜಾಗಿತ್ತು. ಈ ಸಂಖ್ಯೆ ಜೇಮ್ಸ್ ಬಾಂಡ್ ಪಾತ್ರಗಳ ಕೋಡ್ ಸಂಖ್ಯೆ (007) ಆಗಿದೆ ಎಂಬುದು ಫ್ಯಾನ್ಸಿ ನಂಬರ್ ಪ್ರಿಯರ ಅಂಬೋಣ.