ಆರ್ಲಪದವು ಸಮೀಪದ ಜಾಂಬ್ರಿ ಪರಿಸರದಲ್ಲಿ ಹರಿಣಿ-ಸಾರಂಗ ಜೋಡಿ ಪತ್ತೆ

 

ಪಾಣಾಜೆ: ಇತಿಹಾಸ ಪ್ರಸಿದ್ಧ ಜಾಂಬ್ರಿ ಗುಹಾ ಪ್ರದೇಶ, ಕರ್ನಾಟಕದ ಬಂಟಾಜೆ ಹಾಗೂ ಕೇರಳದ ಪರಪ್ಪ ರೇಂಜ್ ನೆಟ್ಟಣಿಗೆ ಬೀಟ್ ವ್ಯಾಪ್ತಿಯ ರಕ್ಷಿತಾರಣ್ಯ ಚೆಂಡೆತ್ತಡ್ಕ ಬಯಲಿನಲ್ಲಿ ಅತ್ಯಪೂರ್ವವಾಗಿ ಜಿಂಕೆ ಜೋಡಿ ಪತ್ತೆಯಾಗಿದೆ. ಹವ್ಯಾಸಿ ಛಾಯಾಗ್ರಾಹಕ ಪ್ರಶಾಂತ್ ಪಾಣಾಜೆ ತಮ್ಮ ಕ್ಯಾಮೆರಾದಲ್ಲಿ ಹರಿಣಿ-ಸಾರಂಗ ಜೋಡಿಯನ್ನು ಸೆರೆ ಹಿಡಿದಿದ್ದಾರೆ. ಚೆಂಡೆತ್ತಡ್ಕ ಬಯಲಿನಲ್ಲಿ ಕಾಡು ಕೋಣ, ಹಂದಿ, ಮುಳ್ಳುಹಂದಿ, ಮರ ಬೆಕ್ಕು(ಬೆರು), ಕಾಡು ಬೆಕ್ಕು, ಮಂಗ, ಮುಜು,  ಅಳಿಲು, ಚಣಿಲು, ನವಿಲು ಮಾಮೂಲಾಗಿದ್ದರೂ ಜಿಂಕೆ, ಕಡವೆ, ನರಿ ಇತ್ಯಾದಿ ಅತ್ಯಪೂರ್ವ. ಜಾಂಬ್ರಿ ಕಾಡಿನಲ್ಲಿ ಹಿಂದೆ ಹುಲಿ ಚಿರತೆಗಳೂ ವಿಹರಿಸುತ್ತಿದ್ದವು ಎಂದು ಹಿರಿಯರು ಹೇಳುತ್ತಾರೆ.