ಮುಗು ಶ್ರೀ ಸುಬ್ರಾಯ ದೇವ ದೇವಸ್ಥಾನದಲ್ಲಿ ಷಢಾದಾರ ಪ್ರತಿಷ್ಠಾ ಕಾರ್ಯ ಸಂಪನ್ನ.

 

ಮುಂಡಿತ್ತಡ್ಕ : ಮುಗು ಶ್ರೀ ಸುಬ್ರಾಯ ದೇವ ದೇವಸ್ಥಾನದ ಜೀರ್ಣೋದ್ಧಾರದ ಪ್ರಯುಕ್ತ ಕ್ಷೇತ್ರದ ಗರ್ಭಗುಡಿಯ ನಿರ್ಮಾಣ ಕಾರ್ಯದಂಗವಾಗಿ  ಷಢಾದಾರ ಪ್ರತಿಷ್ಠಾ ಕಾರ್ಯ ಶುಕ್ರವಾರ ನಡೆಯಿತು. ಕ್ಷೇತ್ರ ತಂತ್ರಿವರ್ಯರಾದ ಬ್ರಹ್ಮಶ್ರೀ ದೇಲಂಪಾಡಿ ಗಣೇಶ ತಂತ್ರಿಗಳ ನೇತೃತ್ವದಲ್ಲಿ ಷಢಾದಾರ ಪ್ರತಿಷ್ಠಾ ಕಾರ್ಯವು ವಿವಿಧ ವೈದಿಕ, ತಾಂತ್ರಿಕ ಕಾರ್ಯಕ್ರಮಗಳೊಂದಿಗೆ ಜರಗಿತು  

ಭೂ ಮಟ್ಟದಿಂದ ಪಾಣಿ ಪೀಠದವರೆಗೆ ಆಧಾರಶಿಲೆ, ನಿಧಿಕುಂಭ, ಅಷ್ಟದಳ ಪುಷ್ಪ, ಕೂರ್ಮ, ಯೋಗನಾಳ, ನಪುಂಸಕ ಶಿಲೆ ಮುಂತಾದವುಗಳನ್ನು ವಿವಿಧ ದ್ರವ್ಯಗಳನ್ನು ಉಪಯೋಗಿಸಿ ಸಂಪರ್ಕ ಕಲ್ಪಿಸುವ ಈ ಷಢಾಧಾರ ಕಾರ್ಯಕ್ರಮ ವಿಶೇಷವಾಗಿತ್ತು.

ಈ ಸಂದರ್ಭದಲ್ಲಿ ಶ್ರೀ ಶ್ರೀ ಯೋಗೀ ಕೌಸ್ತುಭ ಮೋಹನದಾಸ ಪರಮಹಂಸ ಸ್ವಾಮೀಜಿ, ಶ್ರೀ ಧಾಮ ಮಾಣಿಲ ಹಾಗೂ ಕೊಡುಗೈ ದಾನಿ, ದ.ಕ.ಜಿಲ್ಲಾ ರಾಜ್ಯೋತ್ಸವ ಪುರಸ್ಕೃತ ಎಡಕ್ಕಾನ‌ ಮಹಾಬಲೇಶ್ವರ ಭಟ್ ಕ್ಷೇತ್ರ ನಿರ್ಮಾಣ ಶಿಲ್ಪಿ ರಂಜಿತ್, ವಿವಿಧ ಸಮಿತಿ ಪ್ರಮುಖರು, ಕಾರ್ಯಕರ್ತರು ಗ್ರಾಮದ ಭಕ್ತರು ಪಾಲ್ಗೊಂಡಿದ್ದರು.