ಕುಂಬಳೆಯಲ್ಲಿ ಮತ್ತೆ ಮರಳು ಭೇಟೆ : ಸಾಗಾಟಗಾರರು ಪರಾರಿ, ವಾಹನ ವಶ

 

ಕಾಸರಗೋಡು: ನದಿಗಳಿಂದ  ಮರಳನ್ನು ಚೀಲಗಳಲ್ಲಿ ಸಂಗ್ರಹಿಸಿ ಸಾಗಿಸುತ್ತಿದ್ದ ಟಾಟಾ ಏಸ್ ವಾಹನವನ್ನು ಪೊಲೀಸರು ಬೆನ್ನಟ್ಟಿ ವಶಪಡಿಸಿಕೊಂಡಿದ್ದಾರೆ. ಈ ವೇಳೆ ವಾಹನದಲ್ಲಿದ್ದವರು ಪರಾರಿಯಾಗಿದ್ದರು. ಬುಧವಾರ ರಾತ್ರಿ 10.40ರ ಸುಮಾರಿಗೆ ಈ ಘಟನೆ ನಡೆದಿದೆ. ಕುಂಬಳೆ ಎಸ್‌ಐ ಕೆ. ಶ್ರೀಜೇಶ್, ಎಎಸ್‌ಐ ಸುರೇಶ್ ಮತ್ತು ಸಿಪಿಒ ಸಂದೀಪ್ ರಾತ್ರಿ ಗಸ್ತು ತಿರುಗುತ್ತಿದ್ದರು. ಈ ಮಧ್ಯೆ, ಮೊಗ್ರಾಲ್ ನದಿಯಿಂದ ಅಕ್ರಮವಾಗಿ ಮರಳು ಸಾಗಿಸಲಾಗುತ್ತಿದೆ ಎಂಬ ಮಾಹಿತಿ ಬಂದಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ. ನಂತರ ಪೊಲೀಸ್ ತಂಡ ಮೊಗ್ರಾಲ್ ನ್ಯಾಷನಲ್ ನಗರ ತಲುಪಿತು. ಆ ಸಮಯದಲ್ಲಿ, ಮೊಗ್ರಾಲ್ ಕಡೆಗೆ ಟಾಟಾ ಏಸ್ ವಾಹನ ಹೋಗುವುದನ್ನು‌ನೋಡಿದ್ದು, ಕೈ ತೋರಿಸಿದಾಗ ವಾಹನ  ನಿಲ್ಲಿಸದೆ ಪರಾರಿಯಾಗಿದ್ದರು.  ಅವರನ್ನು ಬೆನ್ನಟ್ಟಿದಾಗ, ವಾಹನವು ಮೊಗ್ರಾಲ್ ಪುತ್ತೂರಿನಲ್ಲಿ ನಿಂತಿತು ಮತ್ತು ಒಳಗಿದ್ದ ಇಬ್ಬರು ಪರಾರಿಯಾಗಿದ್ದರು. ವಾಹನ ಮತ್ತು ಮರಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.ಕುಂಬಳೆ ಪೊಲೀಸರು ಕೊಯಿಪ್ಪಾಡಿ, ಬದ್ರಿಯಾ ನಗರದ ಇಬ್ಬರು ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಿದ್ದಾರೆ.