ಗಣರಾಜ್ಯೋತ್ಸವದಂದು ವಿವಾದಿತ ಕುಂಬಳೆ ಟೋಲ್ ಪ್ಲಾಜಾ ಮುಂಭಾಗ ಮಹಿಳೆಯರ ಪ್ರತಿಭಟನೆ

 

ಕುಂಬಳೆ: ರಾಷ್ಟ್ರೀಯ ಹೆದ್ದಾರಿಯ ಕುಂಬಳೆಯಲ್ಲಿ ಫಾಸ್ಟ್‌ಟ್ಯಾಗ್ ಮೂಲಕ ಟೋಲ್ ಸಂಗ್ರಹವನ್ನು ವಿಸ್ತರಿಸುವ ನ್ಯಾಯಾಲಯದ ತೀರ್ಪಿನ ಹಿನ್ನೆಲೆಯಲ್ಲಿ ವಿವಾದಿತ ಕುಂಬಳೆ ಸಮೀಪದ ಆರಿಕ್ಕಾಡಿ ಟೋಲ್ ಪ್ಲಾಜಾ ಮುಚ್ಚುವವರೆಗೆ ಆಂದೋಲನವನ್ನು ಮುಂದುವರಿಸಲು ಕ್ರಿಯಾ ಸಮಿತಿ ನಿರ್ಧರಿಸಿದೆ. ಜಿಲ್ಲೆಯ ಎಲ್ಲಾ ಮಹಿಳಾ ಸಂಘಟನೆಗಳು ಮತ್ತು ಗುಂಪುಗಳನ್ನು ಒಳಗೊಂಡಂತೆ ಗಣರಾಜ್ಯೋತ್ಸವದಂದು ಟೋಲ್ ಪ್ಲಾಜಾಗೆ ಮಹಿಳಾ ಮೆರವಣಿಗೆ ಆಯೋಜಿಸಲಾಗುವುದು. ಕಾನೂನು ಹೋರಾಟವನ್ನು ತೀವ್ರಗೊಳಿಸಲು ಕ್ರಿಯಾ ಸಮಿತಿ ಸಭೆ ನಿರ್ಧರಿಸಿದೆ. ವಿ.ಪಿ. ಅಬ್ದುಲ್ ಖಾದರ್ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಸಿ.ಎ. ಜುಬೈರ್, ಅಶ್ರಫ್ ಕಾರ್ಲಾ, ಅಜೀಜ್ ಕಳತ್ತೂರ್, ಎ.ಕೆ. ಆರಿಫ್, ಲಕ್ಷ್ಮಣ ಪ್ರಭು, ತಾಜುದ್ದೀನ್ ಮೊಗ್ರಾಲ್, ಅಬ್ದುಲ್ ಲತೀಫ್  ಕುಂಪಲ, ಬಿ. ಮುಹಮ್ಮದಾಲಿ, ಫಾರೂಕ್ ಶಿರಿಯಾ, ಕೆ.ವಿ. ಯೂಸುಫ್, ಸತ್ತಾರ್ ಅರಿಕಾಡಿ, ಮತ್ತು ಮುಹಮ್ಮದ್ ಕುಂಞಿ ಭಾಗವಹಿಸಿದ್ದರು.