ಕುಂಭಮೇಳ ಖ್ಯಾತಿಯ ಮೊನಾಲಿಸಾ ಮತ್ತು ಪ್ರಿಯಕರ ಫರ್ಮಾನ್ ಖಾನ್ ಪೋಲಿಸ್ ಹಾಗೂ ರಾಜಕೀಯ ರಕ್ಷಣೆಯೊಂದಿಗೆ ತಿರುವನಂತಪುರದಲ್ಲಿ ವಿವಾಹ

 

ತಿರುವನಂತಪುರ : 2025ರ ಮಹಾಕುಂಭ ಮೇಳದಲ್ಲಿ ರುದ್ರಾಕ್ಷಿ ಮಾಲೆಗಳನ್ನು ಮಾರಾಟ ಮಾಡುವ ನಡುವೆ ಛಾಯಾಗ್ರಾಹಕನೋರ್ವನ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ವೈರಲಾದ ನೀಲಿ ಕಣ್ಣಿನ ಬೆಡಗಿ  ಮೊನಾಲಿಸಾ ಭೋಂಸ್ಲೆ ಮತ್ತು ಆಕೆಯ  ಪ್ರಿಯಕರ  ಫರ್ಮನ್ ಖಾನ್ ನಡುವಿನ ವಿವಾಹ ಸಮಾರಂಭವು ಪೊಲೀಸರ ರಕ್ಷಣೆಯಲ್ಲಿ ಮತ್ತು ಸಿಪಿಎಂ ನಾಯಕರ ಸಮ್ಮುಖದಲ್ಲಿ ಶುಭ  ಸಮಾಪ್ತಿ ಕಂಡಿತು. ತಿರುವನಂತಪುರದ ಅರುಮನೂರಿನ ಪೂವಾರ್‌ನಲ್ಲಿರುವ ನೈನಾರ್ ದೇವಸ್ಥಾನದ ಬಳಿಯ ಶ್ರೀ ನಾರಾಯಣ ಗುರು ಮಂದಿರದಲ್ಲಿ ನಡೆದ ವಿವಾಹ ಸಮಾರಂಭದಲ್ಲಿ, ವಧು-ವರರು ಹಾಗೂ ಸಿಪಿಎಂ ರಾಜ್ಯ ಕಾರ್ಯದರ್ಶಿ ಎಂ.ವಿ. ಗೋವಿಂದನ್ ಮತ್ತು ಸಚಿವ ವಿ. ಶಿವನ್‌ಕುಟ್ಟಿ ಬಂಧು ಮಿತ್ರರು ಪಾಲ್ಗೊಂಡಿದ್ದರು. ಪ್ರಣಯ ಸುಖಾಂತ್ಯ ಕಂಡ ಪರಿಣಯದ ಬಗ್ಗೆ ಸಚಿವ ಶಿವನ್‌ಕುಟ್ಟಿ ಅವರು "ಇದು ಕೇರಳದ ನಿಜವಾದ ಕಥೆ" ಎಂದು  ಪ್ರತಿಕ್ರಿಯಿಸಿದ್ದಾರೆ. ಗೋವಿಂದನ್ ಇದನ್ನು ಎರಡು ಆತ್ಮಗಳ ನಡುವಿನ ಬಂಧ ಎಂದು ಹೊಗಳಿದರು. ಜಿಲ್ಲಾ ಕಾರ್ಯದರ್ಶಿ ಎ. ಎ. ರಹೀಮ್ ಮತ್ತು ಹಲವಾರು ಕಾರ್ಯಕರ್ತರು ಮತ್ತು ಮೊನಾಲಿಸಾ ನಟಿಸಿದ ಚಿತ್ರದ ಇತರ ನಟರು ಮತ್ತು ಕಾರ್ಯಕರ್ತರು ವಿವಾಹ ಸಮಾರಂಭದಲ್ಲಿ ಭಾಗವಹಿಸಿದ್ದರು. ನವವಿವಾಹಿತರು ಕೇರಳದಲ್ಲಿ ನೆಲೆಸುವ ಬಗ್ಗೆ ಆಸಕ್ತಿ ಹೊಂದಿದ್ದಾರೆಂದು ತಿಳಿದು ಬಂದಿದೆ.  ಒಂದೂವರೆ ವರ್ಷದ ಹಿಂದೆ ಚಿತ್ರದ ಚಿತ್ರೀಕರಣದ ಸಮಯದಲ್ಲಿ ಇಬ್ಬರೂ ಪರಸ್ಪರ ಭೇಟಿಯಾಗಿದ್ದರು. ಬಳಿಕ ಪರಿಚಯ ಪ್ರಣಯಕ್ಕೆ  ತಿರುಗಿದ್ದ ಇಬ್ಬರು ಪರಸ್ಪರ ಪ್ರೀತಿಸಲಾರಂಭಿಸಿದರು. ಮಹಾ ಕುಂಭಮೇಳದಲ್ಲಿ ರುದ್ರಾಕ್ಷ ಮಾಲೆ ವ್ಯಾಪಾರದ ಸಮಯದಲ್ಲಿ, ಯಾವಾಗಲೂ ಮುಗ್ಧ ನಗುವಿನೊಂದಿಗೆ ಮತ್ತು ಉತ್ಸಾಹದಿಂದ ರುದ್ರಾಕ್ಷ ಮಾಲೆಯನ್ನು ಮಾರಾಟ ಮಾಡುತ್ತಿದ್ದ ಮೊನಾಲಿಸಾ ಅವರನ್ನು ಪತ್ರಕರ್ತರು ಗಮನಿಸಿದರು, ಅವರು ಮೊನಾಲಿಸಾ ಅವರ ವೀಡಿಯೊವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡರು. ಇದು ವೈರಲ್ ಆಗಿ ಕ್ಷಣಾರ್ಧದಲ್ಲಿ  ಮೊನಾಲಿಸಾ ರಾಷ್ಟ್ರೀಯ‌ ಮಟ್ಟದಲ್ಲಿ  ಪ್ರಸಿದ್ಧಳಾದಳು.  ಚಲನಚಿತ್ರೋದ್ಯಮವು ಮೊನಾಲಿಸಾ ಅವರನ್ನು ಕೈಬೀಸಿ ಕರೆದಿತ್ತು. ಹೀಗಾಗಿ, ಮೊನಾಲಿಸಾ ಕೆಲವು ದಿನಗಳ ಹಿಂದೆ ಮಲಯಾಳಂ ಚಿತ್ರದ ಚಿತ್ರೀಕರಣಕ್ಕಾಗಿ  ತನ್ನ ತಂದೆಯೊಂದಿಗೆ ತಿರುವನಂತಪುರದ ಪೂವಾರ್‌ಗೆ ಆಗಮಿಸಿದ್ದರು. ಫರ್ಮಾನ್ ಖಾನ್ ಕೂಡ ಅದೇ ಸಮಯದಲ್ಲಿ ತಿರುವನಂತಪುರಕ್ಕೆ ಆಗಮಿಸಿದ್ದರು, ಮತ್ತು ಅಲ್ಲಿಯೇ ಅವರ ತಂದೆಗೆ ಅವರು ಪ್ರೀತಿಸುತ್ತಿದ್ದಾರೆಂದು ತಿಳಿದುಬಂತು. ತನ್ನ ಮಗಳನ್ನು ಗುಜರಾತ್‌ನ ಇಂದೋರ್‌ನ ತವರು ಮನೆಯಲ್ಲಿ ಬೇರೆ ಯುವಕನೊಂದಿಗೆ ಮದುವೆಯಾಗುವಂತೆ ತಂದೆ ಸೂಚಿಸಿದರು. ಆದರೆ ಮೊನಾಲಿಸಾ ಈ ಬಗ್ಗೆ ಒಪ್ಪದೆ ತಾನು ಫರ್ಮಾನ್‌ನನ್ನು ತುಂಬಾ ಪ್ರೀತಿಸುತ್ತೇನೆ ಎಂದು ಹೇಳಿದಳು. ಇದು ಇಬ್ಬರ ನಡುವೆ ವಾಗ್ವಾದಕ್ಕೆ ಕಾರಣವಾಯಿತು. ಬುಧವಾರ ಬೆಳಿಗ್ಗೆ ಮನೆಗೆ ಹೋಗಲು ವಿಮಾನ ನಿಲ್ದಾಣಕ್ಕೆ ಹೊರಟ ಮೊನಾಲಿಸಾ, ಫರ್ಮಾನ್ ಖಾನ್ ಜೊತೆ ತಿರುವನಂತಪುರದ ಥಂಪನೂರು ಪೊಲೀಸ್ ಠಾಣೆಗೆ ತೆರಳಿ ತಾನು ಪ್ರೀತಿಸಿದ ವ್ಯಕ್ತಿಯನ್ನು ಮದುವೆಯಾಗಲು  ಪೊಲೀಸರ ಸಹಾಯವನ್ನು ಕೋರಿದಳು. ತನ್ನ ಊರಿನಲ್ಲಿ ಮತ್ತು ತನ್ನ ಗೆಳೆಯನ ತವರು ದೇಶವಾದ ಮಹಾರಾಷ್ಟ್ರದಲ್ಲಿ ಪೊಲೀಸರು ತನಗೆ ಸಹಾಯ ಮಾಡುವುದಿಲ್ಲ ಎಂದು ಅವಳು ತನ್ನ ಅಸಹಾಯಕತೆಯನ್ನು ವ್ಯಕ್ತಪಡಿಸಿದಳು. ಮಾಹಿತಿ ತಿಳಿದ ನಂತರ, ಪೊಲೀಸರು ಮೊನಾಲಿಸಾಳ ತಂದೆಯನ್ನು ಕರೆಸಿ ಅವರಿಗೆ ಕೌನ್ಸೆಲಿಂಗ್ ಮಾಡಲು ಪ್ರಯತ್ನಿಸಿದರು, ಆದರೆ ಅವರು ನಿರಾಕರಿಸಿದರು, ಮದುವೆ ಆಟವಲ್ಲ ಮತ್ತು ಅದನ್ನು ಸಹಿಸಲು ಸಾಧ್ಯವಿಲ್ಲ ಎಂದು ಹೇಳಿದರು. ಮೊನಾಲಿಸಾ ವಯಸ್ಕ ಮಹಿಳೆಯಾಗಿರುವುದರಿಂದ, ವಿಷಯಗಳು ಅವರು ಬಯಸಿದಂತೆ ನಡೆಯಬೇಕು ಮತ್ತು ಅವರಿಗೆ ರಕ್ಷಣೆ ನೀಡುತ್ತೇವೆ ಎಂದು ಪೊಲೀಸರು ಹೇಳಿದರು. ಈ ಮಧ್ಯೆ, ಮೊನಾಲಿಸಾ ಚಲನಚಿತ್ರ ಚಿತ್ರೀಕರಣಕ್ಕಾಗಿ ಪೂವಾರ್‌ನಲ್ಲಿ ಅವರು ವಾಸಿಸುತ್ತಿದ್ದ ಮನೆಯ ಮಾಲೀಕರನ್ನು ಸಂಪರ್ಕಿಸಿದರು, ಮತ್ತು ಅವರು ಮದುವೆಗೆ ವ್ಯವಸ್ಥೆ ಮಾಡಿದರು. ನಂತರ ಮದುವೆ ಶುಭವಾಗಿ ನಡೆಯಿತು. ನಟರು, ಹಿನ್ನಲೆಯ ಸಿಬ್ಬಂದಿ ಮತ್ತು ಚಿತ್ರದ ನಿರ್ದೇಶಕರು ವಿವಾಹ ಸಮಾರಂಭದಲ್ಲಿ ಭಾಗವಹಿಸಿದ್ದರು. ಚಿತ್ರದಲ್ಲಿ ನಟಿಸಲು ಬಂದಿದ್ದ ಮೊನಾಲಿಸಾ ತಂದೆ ಒಬ್ಬಂಟಿಯಾಗಿ ಮನೆಗೆ ಮರಳಿದರು ಎಂದು ಹೇಳಲಾಗುತ್ತಿದೆ.