ಸಾರ್ವಜನಿಕ ಸ್ಥಳದಲ್ಲಿ ಬೀದಿ ದೀಪದ ಬೆಳಕಿನಲ್ಲಿ ಜೂಜಾಟ : ಆರು ಮಂದಿಯ ಬಂಧನ

ಬದಿಯಡ್ಕ : ಸಾರ್ವಜನಿಕ ಸ್ಥಳದಲ್ಲಿ ಬೀದಿ ದೀಪದ ಬೆಳಕಿನಲ್ಲಿ ಜೂಜಾಡುತ್ತಿದ್ದ ಆರು ಮಂದಿಯನ್ನು ಬದಿಯಡ್ಕ ಪೊಲೀಸರು ಬಂಧಿಸಿದ್ದಾರೆ. ಮಾನ್ಯ ಕಾರ್ಮಾರ್‌ನ ಯು.ಕೆ. ಚಂದ್ರನ್ (48), ನೆಕ್ರಾಜೆಯ ಚೆಂಬಕವಲಪ್ಪುವಿನ ಅಬ್ದುಲ್ ರೆಹಮಾನ್ (52), ಕನ್ಯಪ್ಪಾಡಿ ಬಳಿಯ ಪಟ್ಟಾಜೆಯ ಮುಹಮ್ಮದ್ (60), ಮಾನ್ಯ ದೇವರಕೆರೆಯ ವಿಜಯನ್ (52), ನೀರ್ಚಾಲಿನ ಪ್ರಮೋದ್ ಕುಮಾರ್ (35) ಮತ್ತು ಮಾನ್ಯ ಕ್ವಾರ್ಟರ್ಸ್‌ನ ಮುಹಮ್ಮದ್ ಶಾಫಿ (44) ಎಂಬವರು ಬಂಧಿತರು. 

ಬದಿಯಡ್ಕ ಎಸ್‌ಐ ಸುಕುಮಾರನ್ ಅವರಿಗೆ ಬಂದ ಗೌಪ್ಯ  ಮಾಹಿತಿ ಮೇರೆಗೆ ನಿನ್ನೆ ರಾತ್ರಿ 8 ಗಂಟೆ ಸುಮಾರಿಗೆ ನಡೆಸಿದ ದಾಳಿಯಲ್ಲಿ ಆರು ಸದಸ್ಯರ ತಂಡವನ್ನು ಬಂಧಿಸಲಾಗಿದೆ. ಆಟದ ಮೈದಾನದಿಂದ 2970 ರೂ.ಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಬಳಿಕ ಅವರನ್ನು ಸ್ಟೇಷನ್ ಜಾಮೀನಿನ ಮೇಲೆ ಬಿಡುಗಡೆಗೊಳಿಸಲಾಗಿದೆ.