ಆರಿಕ್ಕಾಡಿ ರೈಲು ಹಳಿಯಲ್ಲಿ ಕಂಡು ಬಂದ ಮೃತದೇಹದ ಗುರುತು ಪತ್ತೆ

 

ಕುಂಬಳೆ : ಆರಿಕ್ಕಾಡಿ ರೈಲು ಹಳಿಯಲ್ಲಿ ಸಾವನ್ನಪ್ಪಿದ ಸ್ಥಿತಿಯಲ್ಲಿ ಕಂಡು ಬಂದ ವ್ಯಕ್ತಿಯನ್ನು ಗುರುತು ಪತ್ತೆ ಹಚ್ಚಲಾಗಿದೆ. ಮೃತ ವ್ಯಕ್ತಿಯನ್ನು ಕೊಯಿಪ್ಪಾಡಿ ಕಡಪ್ಪುರಂ ಮೂಲದ ಆಸಿಫ್ (30) ಎಂದು ಗುರುತಿಸಲಾಗಿದೆ. ಬುಧವಾರ ಬೆಳಿಗ್ಗೆ 5 ಗಂಟೆ ಸುಮಾರಿಗೆ ರೈಲ್ವೆ ಹಳಿಗಳ ಬಳಿ ರೈಲು ಡಿಕ್ಕಿ ಹೊಡೆದು ಯುವಕ ಮೃತಪಟ್ಟಿರುವುದು ಪತ್ತೆಯಾಗಿದೆ. ತಲೆಗೆ ತೀವ್ರ  ಪೆಟ್ಟಾಗಿ ನುಜ್ಜುಗುಜ್ಜಾಗಿರುವುದರಿಂದ ಆ ವ್ಯಕ್ತಿಯ ಗುರುತು ಪತ್ತೆಯಾಗಿಲ್ಲ. ಬಳಿಕ ಕುಂಬಳೆ ಪೊಲೀಸರು ನಡೆಸಿದ ಬೆರಳಚ್ಚು ಪರೀಕ್ಷೆಯ ಮೂಲಕ ಮೃತನನ್ನು ಗುರುತಿಸಲಾಯಿತು. ಮೃತ ಯುವಕ ಅಬ್ದುಲ್ ಖಾದರ್ ಮತ್ತು ಫಾತಿಮಾ ಅವರ ಪುತ್ರರಾಗಿದ್ದು ಸಹೋದರ ಸಹೋದರಿಯರಾದ ಅರ್ಷದ್, ಕೆ.ಟಿ. ಹನೀಫ್, ಅನೀಸ್ಸಾ ಮತ್ತು ರಹಿಯಾನಾ ಎಂಬಿವರನ್ನು ಅಗಲಿದ್ದಾರೆ.