ಎಲೆಕ್ಟ್ರಾನಿಕ್ ಸಿಗರೇಟ್‌ಗಳೊಂದಿಗೆ ಕಾರು ಸಹಿತ ಇಬ್ಬರ ಬಂಧನ

ಉಪ್ಪಳ : ತಲಪ್ಪಾಡಿಯಲ್ಲಿ 150 ಎಲೆಕ್ಟ್ರಾನಿಕ್ ಸಿಗರೇಟ್ ಪ್ಯಾಕೆಟ್‌ಗಳನ್ನು ವಶಪಡಿಸಿಕೊಳ್ಳಲಾಗಿದ್ದು, ಇಬ್ಬರ ವಿರುದ್ಧ ಪ್ರಕರಣ ದಾಖಲಾಗಿದೆ. ಎಲೆಕ್ಟ್ರಾನಿಕ್ ಸಿಗರೇಟ್‌ಗಳ ಅಕ್ರಮ ಮಾರಾಟಕ್ಕಾಗಿ ಇರಿಸಲಾಗಿದ್ದ 150 ಪ್ಯಾಕೆಟ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಪ್ರಕರಣದಲ್ಲಿ ಕುಂಬಳೆ ಪೊಲೀಸ್ ಠಾಣಾ ವ್ಯಾಪ್ತಿಯ ತೌಸೀಫ್ ಅಹ್ಮದ್ (32) ಮತ್ತು ಬಾದುಷಾ ಎ.ಎಚ್. (32) ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.

ಮಂಜೇಶ್ವರ ಪೊಲೀಸ್ ಠಾಣಾ ವ್ಯಾಪ್ತಿಯ ಕುಂಜತ್ತೂರು ಪ್ರದೇಶದ ತಲಪ್ಪಾಡಿಯಲ್ಲಿ ಮಾರ್ಚ್ 3ರಂದು ರಾತ್ರಿ 11 ಗಂಟೆ ಸುಮಾರಿಗೆ ತಲಪ್ಪಾಡಿ ಪ್ರದೇಶದ 'ರಾಯಲ್ ಡಿನ್ನರ್' ಎಂಬ ಹೋಟೆಲ್  ಬಳಿ ನಡೆಸಿದ ಶೋಧದ ವೇಳೆ, ಆರೋಪಿಗಳು ಇ-ಸಿಗರೇಟ್ ಪ್ಯಾಕೆಟ್‌ಗಳನ್ನು ಹೊಂದಿರುವುದು ಕಂಡುಬಂದಿದೆ. ಘಟನೆಗೆ ಸಂಬಂಧಿಸಿದಂತೆ KL-14 AC 4802 ನೋಂದಣಿ ಸಂಖ್ಯೆಯ ಬಲೆನೊ ಕಾರನ್ನು ಸಹ ವಶಕ್ಕೆ ಪಡೆಯಲಾಗಿದೆ.