3.01 ಗ್ರಾಂ ಎಂಡಿಎಂಎ ಹಾಗೂ 16,700 ರೂ. ಸಹಿತ ಯುವಕನ ಬಂಧನ

 

ಬದಿಯಡ್ಕ : ಮಾದಕ ವಸ್ತು ಮಾರಾಟದ ವೇಳೆ 3.01 ಗ್ರಾಂ ಎಂಡಿಎಂಎ ಮತ್ತು 16,700 ರೂ.ಗಳೊಂದಿಗೆ ಯುವಕನೋರ್ವನನ್ನು  ಬದಿಯಡ್ಕ ಠಾಣಾ ಪೊಲೀಸರು  ಬಂಧಿಸಿದ್ದಾರೆ. ಚೆಂಗಳದ ರಹಮತ್ ನಗರದ ಮಣಿಯಡ್ಕದ ನುಹ್ಮಾನ್ (25) ಬಂಧಿತ ಆರೋಪಿ. ಶುಕ್ರವಾರ ಮಧ್ಯಾಹ್ನ 2 ಗಂಟೆ ಸುಮಾರಿಗೆ  ಕನ್ಯಪ್ಪಾಡಿ ಮುಂಡಿತ್ತಡ್ಕ  ರಸ್ತೆಯ ಕನ್ಯಪ್ಪಾಡಿ ಅಂಗನವಾಡಿ ಬಳಿ  ಗಸ್ತು ತಿರುಗುತ್ತಿದ್ದ  ಪೊಲೀಸರನ್ನು ಕಂಡು ಓಡಲು ಯತ್ನಿಸಿದ್ದ. ತಕ್ಷಣ   ಗಮನಿಸಿದ ಪೊಲೀಸರು ಯುವಕನನ್ನು ಬೆನ್ನಟ್ಟಿ ಬಂಧಿಸಿದರು. ನಂತರ, ದೇಹ ತಪಾಸಣೆ ನಡೆಸಿದಾಗ, ಲಕೋಟೆಯಲ್ಲಿ ಸಂಗ್ರಹಿಸಲಾಗಿದ್ದ ಮಾದಕ ವಸ್ತುಗಳು ಪತ್ತೆಯಾಗಿವೆ. ಮಾದಕ ದ್ರವ್ಯಗಳನ್ನು ಮಾರಾಟ ಮಾಡುವುದರಿಂದ ಪಡೆದ 16,700 ರೂ.ಗಳನ್ನು ಸಹ ವಶಪಡಿಸಿಕೊಳ್ಳಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಗ್ರೇಡ್ ಸೀನಿಯರ್ ಸಿವಿಲ್ ಪೊಲೀಸ್ ಅಧಿಕಾರಿಗಳಾದ ಗೋಕುಲ ಮತ್ತು ಶ್ರೀಜಿತ್  ತಪಾಸಣಾ ತಂಡದಲ್ಲಿದ್ದರು.