ರಸ್ತೆಗೆ ಬಂದ ಹಾವು ಕಂಡು ಬ್ರೇಕ್ ಹಾಕಿದ ಲಾರಿಯ ಹಿಂಭಾಗಕ್ಕೆ ಕರ್ನಾಟಕ ಕೆಎಸ್‌ಆರ್‌ಟಿಸಿ ಬಸ್ ಡಿಕ್ಕಿ : ಇಬ್ಬರಿಗೆ ಗಾಯ

 

ಬದಿಯಡ್ಕ : ಪೆರ್ಲ - ಬದಿಯಡ್ಕ ರಸ್ತೆಯ ಕಾಡಮನೆ ಎಂಬಲ್ಲಿ ಹಾವು ಕಂಡ ಕ್ಷಣ ಹಠಾತ್ತನೆ ಬ್ರೇಕ್ ಹಾಕಿದ ಲಾರಿಯ ಹಿಂಭಾಗಕ್ಕೆ ಕರ್ನಾಟಕ ಕೆಎಸ್‌ಆರ್‌ಟಿಸಿ ಬಸ್ ಡಿಕ್ಕಿ ಹೊಡೆದ ಪರಿಣಾಮ ಬಸ್ಸಿನ ಮುಂಭಾಗ ಮತ್ತು ಗಾಜು ಹಾನಿಗೀಡಾಗಿದೆ. ಬಸ್‌ನಲ್ಲಿದ್ದ ಇಬ್ಬರು ಸಣ್ಣಪುಟ್ಟ ಗಾಯಗಳಿಂದ ಪಾರಾಗಿದ್ದಾರೆ.  ಚೆರ್ಕಳ-ಕಲ್ಲಡ್ಕ ಅಂತರರಾಜ್ಯ ಹೆದ್ದಾರಿಯ ಕಾಡಮನೆ ಎಂಬಲ್ಲಿ ಈ ಘಟನೆ ನಡೆದಿದೆ. 

ಲಾರಿಯ ಮುಂದೆ ಹಾವು ರಸ್ತೆಗೆ ಪ್ರವೇಶಿಸಿದೆ. ಲಾರಿಯ ಚಾಲಕ ತಕ್ಷಣ ಬ್ರೇಕ್ ಹಾಕಿ ಲಾರಿಯನ್ನು ನಿಲ್ಲಿಸಿದನು. ಆದರೆ, ಹಾವು ಮುಂಭಾಗದ ಟೈರ್ ಅಡಿಗೆ ಸಿಲುಕಿ ಸತ್ತುಹೋಯಿತು. ಲಾರಿ ಇದ್ದಕ್ಕಿದ್ದಂತೆ ಬ್ರೇಕ್ ಹಾಕಿದ ಕಾರಣ  ಕರ್ನಾಟಕದ ಪುತ್ತೂರಿನಿಂದ ಕಾಸರಗೋಡಿಗೆ ಬರುತ್ತಿದ್ದ ಕರ್ನಾಟಕ ಆರ್‌ಟಿಸಿ ಬಸ್‌ನ ಹಿಂಭಾಗಕ್ಕೆ ಡಿಕ್ಕಿ ಹೊಡೆದಿದೆ. ಕಳೆದ 3 ದಿನಗಳಿಂದ ಈ ಪ್ರದೇಶದಲ್ಲಿ ಹಾವು ನಿರಂತರವಾಗಿ ಕಾಣಿಸಿಕೊಳ್ಳುತ್ತಿದೆ ಎಂದು ಸ್ಥಳೀಯರು ಹೇಳುತ್ತಾರೆ.