ಕೇಂದ್ರೀಯ ವಿ.ವಿ ಅಡುಗೆ ಸಿಬ್ಬಂದಿ ಕರ್ತವ್ಯದಲ್ಲಿದ್ದಾಗಲೇ ಕುಸಿದು ಬಿದ್ದು ನಿಧನ

ಕಾಸರಗೋಡು : ಪೆರಿಯ ಕೇಂದ್ರೀಯ ವಿಶ್ವವಿದ್ಯಾಲಯದ ಮಹಿಳಾ ಮೆಸ್‌ನಲ್ಲಿ ಅಡುಗೆ ಸಿಬ್ಬಂದಿಯೊಬ್ಬರು ಕರ್ತವ್ಯದಲ್ಲಿರುವಾಗಲೇ ಕುಸಿದು ಬಿದ್ದು ಸಾವನ್ನಪ್ಪಿದ್ದಾರೆ. ತಲಶ್ಶೇರಿಯ ಮೂಲದ ಪೆರಿಯ ಕಾಯಕುಲಂನ ವನ್ನತಂಪಾರ ನಿವಾಸಿಯಾಗಿರುವ ಸೀತಮ್ಮ (68) ನಿಧನರಾದವರು. ಬುಧವಾರ ಸಂಜೆ ಕಾಯಂಕುಲಂನಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಭಾಗವಹಿಸಿ ಕರ್ತವ್ಯಕ್ಕೆ ಹೋಗಿದ್ದರು. ಅಲ್ಲಿ ಕುಸಿದು ಬಿದ್ದ ಸೀತಮ್ಮ ಅವರನ್ನು ತಕ್ಷಣ ಆಸ್ಪತ್ರೆಗೆ ಕರೆದೊಯ್ಯಲಾಯಿತು, ಆದರೆ ಅವರನ್ನು ಉಳಿಸಲಾಗಲಿಲ್ಲ. ಮೃತದೇಹವನ್ನು ಜಿಲ್ಲಾ ಆಸ್ಪತ್ರೆಯ ಶವಾಗಾರಕ್ಕೆ ಸ್ಥಳಾಂತರಿಸಲಾಯಿತು. ಮೃತರು ಮಕ್ಕಳಾದ ಸೀಬಾ ಮತ್ತು ಬಾಬಿಶ್ (ಬೆಂಗಳೂರು). ಅಳಿಯ ಸತೀಶ್ ಮಲಬಾರಿ (ಟೈಲರ್ ಪೆರಿಯ) ಇವರನ್ನು ಅಗಲಿದ್ದಾರೆ.