ಮಂಕಡ ಪ್ರವಾಸ ತಾಣದ ಬಳಿ ಸಿಡಿಲು ಬಡಿದು ನಾಲ್ವರು ವಿದ್ಯಾರ್ಥಿಗಳು ಮೃತ್ಯು : ಮೂವರಿಗೆ ತೀವ್ರ ಆಘಾತ

 

ಮಲಪ್ಪುರ:  ಜಿಲ್ಲೆಯ ಮಂಕಡ ಎಂಬಲ್ಲಿ ಸಂಭವಿಸಿದ ಭೀಕರ ಸಿಡಿಲು ಬಡಿತಕ್ಕೆ ನಾಲ್ವರು ವಿದ್ಯಾರ್ಥಿಗಳು ಮೃತಪಟ್ಟಿದ್ದಾರೆ. ಈ ದುರ್ಘಟನೆಯಲ್ಲಿ ಇತರ ಮೂವರು ವಿದ್ಯಾರ್ಥಿಗಳು ತೀವ್ರವಾಗಿ ಗಾಯಗೊಂಡಿದ್ದಾರೆ.ಮಂಕಡ ಪ್ರವಾಸಿ ತಾಣ ವೀಕ್ಷಣೆಗೆ ಆಗಮಿಸಿದ ಮಕ್ಕಳು ಈ ದುರಂತಕ್ಕೆ ಬಲಿಯಾಗಿದ್ದಾರೆ. 

 ಸಿಯಾದ್ (18), ಫಹಾದ್ (19),ರಹೀಸ್ (20),ವಹಾಸ್ (18) ಮೃತಪಟ್ಟವರು.ಈ ಘಟನೆಯಲ್ಲಿ ರೋಷನ್ (20, ಇಷ್ಹಾತ್ (16)ಮತ್ತು ಇನ್ನೊಬ್ಬ ವಿದ್ಯಾರ್ಥಿ ಗಾಯಗೊಂಡಿದ್ದು, ಅವರನ್ನು ಹೆಚ್ಚಿನ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಮೃತಪಟ್ಟವರೆಲ್ಲರೂ ಸ್ನೇಹಿತರಾಗಿದ್ದು, ಮಂಕಡದ ಪ್ರವಾಸಿ ತಾಣದ  ಬಳಿ ಈ ದುರಂತ ಸಂಭವಿಸಿದೆ. ಮಲಪ್ಪುರಂ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಕಳೆದ ಕೆಲವು ದಿನಗಳಿಂದ ಭಾರೀ ಮಳೆಯಾಗುತ್ತಿದೆ. ಇಂದು(ಮಂಗಳವಾರ) ಸಾಯಂಕಾಲ ಈ ಘಟನೆ ನಡೆದಿದೆ.