ರಾಣಿಪುರದಲ್ಲಿ ಕೇರಳ ಸ್ಕೂಲ್ ಟೀಚರ್ಸ್ ಯೂನಿಯನ್ ದ್ವಿದಿನಗಳ ಜಿಲ್ಲಾ ಮಟ್ಟದ ಕಾರ್ಯಕಾರಿ ಶಿಬಿರ

ರಾಣಿಪುರ : "ಶಿಕ್ಷಕ ವೃತ್ತಿ ಎಂಬುದು ಕೇವಲ ಜೀವನೋಪಾಯದ ಮಾರ್ಗವಲ್ಲ, ಅದು ಉತ್ತಮ ಸಮಾಜವನ್ನು ನಿರ್ಮಿಸುವ ಪವಿತ್ರವಾದ ಹೊಣೆಗಾರಿಕೆಯಾಗಿದೆ. ಈ ಜವಾಬ್ದಾರಿಯನ್ನು ಅರಿತು ಶಿಕ್ಷಕರು ಸಂಘಟಿತ ಶಕ್ತಿಯಾಗಿ ಹೊರಹೊಮ್ಮಿದಾಗ ಮಾತ್ರ ಶೈಕ್ಷಣಿಕ ಕ್ಷೇತ್ರದಲ್ಲಿ ಕ್ರಾಂತಿಕಾರಿ ಬದಲಾವಣೆಗಳನ್ನು ಕಾಣಲು ಸಾಧ್ಯ," ಎಂದು ಕೇರಳ ಸ್ಕೂಲ್ ಟೀಚರ್ಸ್ ಯೂನಿಯನ್ (ಕೆ.ಎಸ್.ಟಿ.ಯು.) ರಾಜ್ಯ ಅಧ್ಯಕ್ಷರಾದ ಕೆ.ಎಂ. ಅಬ್ದುಲ್ಲಾ ಅವರು ಹೇಳಿದರು.

​ರಾಣಿಪುರದಲ್ಲಿ ಆಯೋಜಿಸಲಾಗಿದ್ದ ಎರಡು ದಿನಗಳ ಜಿಲ್ಲಾ ಮಟ್ಟದ ಕಾರ್ಯಕಾರಿ ಶಿಬಿರ ಉದ್ಘಾಟಿಸಿ ಅವರು ಮಾತನಾಡಿದರು. ಶಿಕ್ಷಕರ ಹಿತರಕ್ಷಣೆ ಮತ್ತು ವೃತ್ತಿಪರ ಮೌಲ್ಯಗಳ ಸಂರಕ್ಷಣೆಗೆ ಸಂಘಟನೆಯ ಪ್ರಯತ್ನ ನಿರಂತರವಾಗಿದೆ ಎಂದು ಅವರು ನುಡಿದರು. ಜಿಲ್ಲಾಧ್ಯಕ್ಷ ಯಾಸರ್ ಅರಾಫತ್ ಅವರ ಅಧ್ಯಕ್ಷತೆಯಲ್ಲಿ ನಡೆದ ಈ ಶಿಬಿರದಲ್ಲಿ ಜಿಲ್ಲೆಯಾದ್ಯಂತ ಆಗಮಿಸಿದ್ದ ಪ್ರತಿನಿಧಿಗಳು ಪಾಲ್ಗೊಂಡು, ಶಿಕ್ಷಣದ ಗುಣಮಟ್ಟವನ್ನು ಮೇಲ್ದರ್ಜೆಗೇರಿಸುವ ಮತ್ತು ಶಿಕ್ಷಕ ಸಂಘಟನೆಯನ್ನು ತಳಮಟ್ಟದಿಂದ ಶಕ್ತಿಗೊಳಿಸುವ ಕುರಿತು ಸಮಾಲೋಚನೆ ನಡೆಸಲಾಯಿತು.

​ಸಮಾರಂಭದಲ್ಲಿ ರಾಜ್ಯ ಪ್ರಧಾನ ಕಾರ್ಯದರ್ಶಿ ಕಲ್ಲೂರ್ ಮಹಮ್ಮದಲಿ, ಉಪಾಧ್ಯಕ್ಷ ಗಫೂರ್ ದೇಳಿ, ಪ್ರಮುಖರಾದ ಶೌಕತ್ ಅಲಿ, ಸಿದ್ದೀಕ್ ಪಂತೋಡಿ, ಸಮೀರ್ ತೆಕ್ಕಿಲ್ ಮಾತನಾಡಿದರು. ವಿವಿಧ ಸೆಷನ್ ಗಳಲ್ಲಿ ಅಧ್ಯಾಪಕರಾದ  ​ಪಿ. ಹಮೀದ್, ಎ. ಟಿ. ಯೂನುಸ್, ಎಂ. ಕೆ. ಮುಹಮ್ಮದ್ ಅಲಿ, ರಹೀಮ್ ಕಲ್ಲೂರು, ಎನ್. ಎ. ಹಬೀಬ್, ಎಂ. ಟಿ. ಪಿ. ಆರಿಫಾ, ಕೆ. ಪಿ. ಜಾಫರ್, ಕಮಲ್ ವಯನಾಡ್, ಎಂ. ಎ. ಅಸ್ಲಾಂ, ವಿ. ಪಿ. ಪಿ. ಶುಹೈಬ್, ಅಶ್ರಫ್ ಮರ್ತ್ಯ, ಖಲೀಲ್ ಬೇಕಲ್, ನಸೀಮ್ ನೆಲ್ಲಿಕುನ್ನು, ಎಂ. ಸುಮಯ್ಯ, ಟಿ. ರಶಾದ್, ರಶೀದ್ ಮೊಗ್ರಾಲ್, ಪಿ. ಎಂ. ಎ. ರಿಷಾದ್, ಜಾಫರ್ ಬಲ್ಲ, ನಸ್ರುಲ್ಲಾ, ರಸೀನಾ ಕುಂಬಳೆ, ನದೀರಾ , ಟಿ. ಎಂ. ರಶೀದ್ ಮತ್ತು ಬೈರುನ್ನೀಸಾ ಇಬ್ರಾಹಿಂ ಮೊದಲಾದವರು ಮಾತನಾಡಿದರು. ಪ್ರಧಾನ ಕಾರ್ಯದರ್ಶಿ ಎ.ಟಿ. ಯೂನಸ್ ಅವರು ಸ್ವಾಗತಿಸಿ. ಜಾಫರ್ ಕೆಪಿ ವಂದಿಸಿದರು. ಎರಡು ದಿನಗಳ ಕಾಲ ನಡೆದ ವೈಚಾರಿಕ ಚರ್ಚೆಗಳು ಹಾಗೂ ಸಂಘಟನಾತ್ಮಕ ನಿರ್ಣಯಗಳೊಂದಿಗೆ ಈ ಶಿಬಿರವು ಅತ್ಯಂತ ಯಶಸ್ವಿಯಾಗಿ ಸಂಪನ್ನಗೊಂಡಿತು.