ಮಹಿಳೆಯರ ಒಳ ಉಡುಪುಗಳನ್ನು ಎಗರಿಸುತ್ತಿದ್ದ ವಿಕೃತ ಕಳ್ಳನ ಸೆರೆ

ಬೆಂಗಳೂರು:ಮನೆ ಮುಂದೆ ಒಣಗಿಸಲಿರಿಸುತ್ತಿದ್ದ ಮಹಿಳೆಯರ ಒಳ ಉಡುಪುಗಳನ್ನು ನಿತ್ಯ ಕದಿಯುತ್ತಿದ್ದ ಯುವಕನೊಬ್ಬ ಸಿಕ್ಕಿಬಿದ್ದಿರುವ ಘಟನೆ ಬೆಂಗಳೂರಿನಲ್ಲಿ ನಡೆದಿದೆ. ವಿದ್ಯಾರಣ್ಯಪುರ ಮೂಲದ ಅಬ್ದುಲ್ ಹಕೀಂ (30) ಬಂಧಿತ ಆರೋಪಿ. ಕದ್ದ ಬಟ್ಟೆಗಳನ್ನು ತಾನೇ ಧರಿಸುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ. ಈ ಭಾಗದ ಮನೆಗಳಲ್ಲಿ ನಿತ್ಯವೂ ಮಹಿಳೆಯರ ಬಟ್ಟೆ ಕಾಣೆಯಾಗುತ್ತಿದ್ದು, ಮನೆಯವರು ನೀಡಿದ ದೂರಿನ ಆಧಾರದ ಮೇಲೆ ತನಿಖೆ ನಡೆಸಲಾಗಿದೆ. ಸಿಸಿಟಿವಿ ದೃಶ್ಯಾವಳಿಗಳನ್ನು ಪರಿಶೀಲಿಸಿದ ಪೊಲೀಸರಿಗೆ ಆರೋಪಿಯ ಬಗ್ಗೆ ಸ್ಪಷ್ಟ ಸುಳಿವು ಸಿಕ್ಕಿದೆ. ಈತ ರಾತ್ರಿ ವೇಳೆ ಮನೆಗಳ ಗೋಡೆಗಳ ಮೇಲೆ ಹತ್ತಿ ಬಟ್ಟೆ ಕದಿಯುತ್ತಿದ್ದದ್ದು ದೃಶ್ಯಾವಳಿಗಳಲ್ಲಿ ಸ್ಪಷ್ಟವಾಗಿತ್ತು. ನಂತರದ ತನಿಖೆಯಲ್ಲಿ ಆರೋಪಿಯನ್ನು ಬಂಧಿಸಲಾಯಿತು. ವಿಚಾರಣೆ ವೇಳೆ ಆರೋಪಿ ತಾನು ಕದ್ದ ಬಟ್ಟೆಗಳನ್ನು ಧರಿಸಿದ್ದಾಗಿ ಒಪ್ಪಿಕೊಂಡಿದ್ದಾನೆ. ಆತನ ನಿವಾಸದಿಂದ ಪೊಲೀಸರು ಹಲವು ಬಟ್ಟೆಗಳನ್ನು ವಶಪಡಿಸಿಕೊಂಡಿದ್ದಾರೆ. ಆರೋಪಿಗೆ ಮಾನಸಿಕ ಅಸ್ವಸ್ಥತೆ ಇದೆಯೇ ಎಂಬ ಬಗ್ಗೆಯೂ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ. ಆತನ ವಿರುದ್ಧ ಕಳ್ಳತನ ಮತ್ತು ಅತಿಕ್ರಮ ಪ್ರವೇಶದ ಸೆಕ್ಷನ್‌ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿ ಬಂಧನದಲ್ಲಿಡಲಾಗಿದೆ.