ಊಹಾಪೋಹಗಳನ್ನು ಬದಿಗೆ ತಳ್ಳಿದ ಕಾಸರಗೋಡಿನಲ್ಲಿ ಕಲ್ಲಟ್ರ ಮಾಹಿನ್ ಹಾಜಿಗೆ ಭರ್ಜರಿ ಗೆಲುವು

 

ಕಾಸರಗೋಡು : ವಿಧಾನಸಭಾ  ಕ್ಷೇತ್ರದಲ್ಲಿ ಎಲ್ಲಾ ಊಹಾಪೋಹದ ಪ್ರಚಾರಗಳನ್ನು ಬದಿಗಿರಿಸಿ ಕಲ್ಲಟ್ರ ಮಾಹಿನ್ ಹಾಜಿ 22,698 ಮತಗಳ ಬಹುಮತ ಪಡೆಯುವ ಮೂಲಕ ಭರ್ಜರಿ ಗೆಲುವು ಸಾಧಿಸಿದ್ದಾರೆ. ಅವರು ಒಟ್ಟು 76,396 ಮತಗಳನ್ನು ಪಡೆದರು. ಎರಡನೇ ಸ್ಥಾನ ಪಡೆದ ಎನ್ ಡಿಎ ಅಭ್ಯರ್ಥಿ ಅಶ್ವಿನಿ ಎಂಎಲ್ 53,698 ಮತಗಳನ್ನು ಪಡೆದರು. ಸಿಪಿಎಂ ಬೆಂಬಲಿತ ಸ್ವತಂತ್ರ ಅಭ್ಯರ್ಥಿ ಮೂರನೇ ಸ್ಥಾನಕ್ಕೆ (36,678 ಮತಗಳು) ತಳ್ಳಲ್ಪಟ್ಟರು. 

ಕಾಸರಗೋಡು ದೀರ್ಘಕಾಲದವರೆಗೆ ಯುಡಿಎಫ್‌ನ ದೃಢವಾದ ಕ್ಷೇತ್ರವಾಗಿದೆ. ಈ ಬಾರಿಯೂ ಆ ನಿರೀಕ್ಷೆ ಹುಸಿಯಾಗಲಿಲ್ಲ. ಇದು ಮುಸ್ಲಿಂ ಲೀಗ್‌ನತ್ತ ವಿಶೇಷವಾಗಿ ಒಲವು ಹೊಂದಿರುವ ಕ್ಷೇತ್ರವಾಗಿದೆ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದೆ. ಎಲ್‌ಡಿಎಫ್ ಬಿಜೆಪಿ ಮತಗಳನ್ನು ಕಡಿಮೆ ಮಾಡುವ ಮೂಲಕ ಎರಡನೇ ಸ್ಥಾನವನ್ನು ತಲುಪುವ ಭರವಸೆಯಲ್ಲಿತ್ತು. ಆದರೂ ಪ್ರಬಲ ಸ್ಪರ್ಧೆಯನ್ನು ನೀಡಿದ ಬಿಜೆಪಿ ತನ್ನ ಎರಡನೇ ಸ್ಥಾನವನ್ನು ಕಾಯ್ದುಕೊಂಡಿದೆ.