ಜುಗಾರಿ ಅಡ್ಡೆಗೆ ಪೊಲೀಸರ ದಾಳಿ, 4 ಮಂದಿಯ ಸೆರೆ, ಮೂವರು ಪರಾರಿ, 13700 ರೂ.ವಶ

 ಬದಿಯಡ್ಕ: ಬೀದಿ ದೀಪದ ಬೆಳಕಿನಲ್ಲಿ  ನಡೆಯುತ್ತಿದ್ದ ಜುಗಾರಿ ಅಡ್ಡೆಗೆ ದಾಳಿ ನಡೆಸಿರುವ ಬದಿಯಡ್ಕ ಪೊಲೀಸರು ಆಟದಲ್ಲಿ ನಿರತರಾಗಿದ್ದ 4 ಮಂದಿಯನ್ನು ಬಂಧಿಸಿದ್ದಾರೆ. ಆಟಕ್ಕೆ ಬಳಸಿದ 13700 ರೂ.ವಶಪಡಿಸಲಾಗಿದೆ. ನೆಕ್ರಾಜೆ ಪಾರಕುನ್ನು ನಿವಾಸಿ ಅಬ್ದುಲ್ಲ(49), ನೆಕ್ರಾಜೆ ಚೆಂಬೋತ್ ವಳಪ್ಪು ನಿವಾಸಿ  ಅಬ್ದುಲ್ ರಹಮಾನ್(52),  ಕುಂಜಾರು ಕೋಟಕಣಿಯ ಮುಹಮದ್ ರಫೀಖ್(49), ಚಟ್ಟಂಚಾಲು ನಿವಾಸಿ ಪಿ.ಎಂ.ಅಶ್ರಫ್ (49) ಬಂಧಿತರು. ಪೊಲೀಸ್ ದಾಳಿಯ ವೇಳೆ ಪರಾರಿಯಾದ 3 ಮಂದಿಯ ವಿರುದ್ದವೂ ಕೇಸು ದಾಖಲಿಸಲಾಗಿದೆ. ನಿನ್ನೆ (ಗುರುವಾರ) ರಾತ್ರಿ ಬದಿಯಡ್ಕ ಎಸ್.ಐ.ಅಖಿಲ್ ನೇತೃತ್ವದಲ್ಲಿ ಪೆಟ್ರೋಲಿಂಗ್ ನಡೆಸುವ ವೇಳೆ ಲಭಿಸಿದ ರಹಸ್ಯ ಮಾಹಿತಿಯಂತೆ ದಾಳಿ ನಡೆದಿದೆ. ಪೈಕ ಚೂರಿಪಳ್ಳ ಮೂಲಡ್ಕ ರಸ್ತೆಯ ಜಂಕ್ಷನ್ ನಲ್ಲಿ ಬೀದಿ ದೀಪದ ಬೆಳಕಿನಲ್ಲಿ ಜುಗಾರಿ ಅಡ್ಡೆ ಕಾರ್ಯಾಚರಿಸಿತ್ತು.