ತನಿಖೆಗೆ ಕೊಂಡೊಯ್ಯುವ ವೇಳೆ ಪೋಕ್ಸೋ ಪ್ರಕರಣದ ಆರೋಪಿ ಪರಾರಿ; ಗಂಟೆಗಳ ಅಂತರದಲ್ಲಿ ಸೆರೆ

 

ಕಾಸರಗೋಡು: ಪೋಕ್ಸೋ ಪ್ರಕರಣದಲ್ಲಿ ಹೆಚ್ಚಿನ ತನಿಖೆಗಾಗಿ ಪೊಲೀಸ್ ಕಸ್ಟಡಿಗೆ ಪಡೆದಿದ್ದ ಆರೋಪಿ ಪೊಲೀಸ್ ಠಾಣೆಯಿಂದ ಪರಾರಿಯಾದ ಘಟನೆ ನಡೆದಿದೆ. ಆರೋಪಿ ನೆಕ್ರಾಜೆಯ ಅಶ್ವಥ್ (19) ಎಂದು ಗುರುತಿಸಲಾಗಿದೆ. ಆರೋಪಿಯನ್ನು ಠಾಣೆಯ ಹೊರಗಿನ ತನಿಖಾ ಕೊಠಡಿಗೆ ಕರೆದೊಯ್ಯುವಾಗ ಎಎಸ್‌ಐಯನ್ನು ವಂಚಿಸಿ ಪರಾರಿಯಾಗಿದ್ದಾನೆ. ಕಾಸರಗೋಡು ನಗರ ಪೊಲೀಸ್ ಠಾಣೆಯ ಪೋಕ್ಸೋ ಪ್ರಕರಣ ಸಂಖ್ಯೆ 1245 ರಲ್ಲಿ ಅಶ್ವಥ್ ಆರೋಪಿಯಾಗಿದ್ದಾನೆ. ಕಾಸರಗೋಡು ಜಿಲ್ಲಾ ಹೆಚ್ಚುವರಿ ಸೆಷನ್ಸ್ ನ್ಯಾಯಾಲಯ  ವಿವರವಾದ ತನಿಖೆಗಾಗಿ ಅವರನ್ನು ನಗರ ಪೊಲೀಸರ ವಶಕ್ಕೆ ನೀಡಿದೆ. ನ್ಯಾಯಾಲಯದಿಂದ ಠಾಣೆಗೆ ಕರೆದೊಯ್ದ ನಂತರ, ಆರೋಪಿಯನ್ನು ಲಾಕಪ್‌ಗೆ ಸ್ಥಳಾಂತರಿಸಲಾಯಿತು. ಪರಾರಿಯಾದ ಆರೋಪಿಯನ್ನು ಗಂಟೆಗಳ ಅಂತರದ ಹುಡುಕಾಟದಲ್ಲಿ ನಗರ ಸಮೀಪದ ಆನೆಬಾಗಿಲಿನ‌ ಹೊಲವೊಂದರೆಡೆಯಲ್ಲಿ ಅವಿತಿದ್ದ ವೇಳೆ ಬಂಧಿಸುವಲ್ಲಿ ಪೋಲಿಸರು ಯಶಸ್ವಿಯಾಗಿದ್ದಾರೆ.