ತ್ರಿಕೋನ ಪ್ರೇಮ : ಲವ್ವರ್‌ನ ಗರ್ಲ್‌ಫ್ರೆಂಡ್‌ ಗೆ ಗುಂಡು ಹಾರಿಸಿ ಕೊಂದ ಯುವತಿ

ಮುಂಬೈ : ಯುವತಿಯೊಬ್ಬಳು ತನ್ನ ಗೆಳೆಯನ  ಗರ್ಲ್‌ಫ್ರೆಂಡ್ ಮುಖಕ್ಕೆ ಗುಂಡು ಹಾರಿಸಿ ಹತ್ಯೆ ಮಾಡಿರುವ ಘಟನೆ  ಮುಂಬೈನ ಶಿವಾಜಿ ನಗರ ಪ್ರದೇಶದಲ್ಲಿ ನಡೆದಿದೆ. ತ್ರಿಕೋನ ಪ್ರೇಮದಿಂದ ಈ ಹತ್ಯೆ ನಡೆದಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಶಿವಾಜಿ ನಗರದ ಫುರ್ಖಾನಿಯಾ ಮಸೀದಿ ಪ್ರದೇಶದಲ್ಲಿ ಶಿಫಾ ಶೇಖ್ ಎಂಬಾಕೆ ಹತ್ಯೆಗೀಡಾಗಿದ್ದಾಳೆ. ಗುಂಡಿನ ದಾಳಿ ನಡೆದ 12 ಗಂಟೆಗಳಲ್ಲಿ ಮುಂಬೈ ಪೊಲೀಸರು ಕೊಲೆಗೆ ಸಂಬಂಧಿಸಿದಂತೆ ಇಬ್ಬರನ್ನು ಬಂಧಿಸಿದ್ದಾರೆ.

ಆ ಪ್ರದೇಶದ ಮತ್ತೊಬ್ಬ ಯುವತಿಯನ್ನು ಭೇಟಿಯಾಗಲು ಕರೆ ಬಂದ ನಂತರ ಶಿಫಾ ತನ್ನ ಮನೆಯಿಂದ ಹೊರಹೋಗಿದ್ದಳು. ಶಿವಾಜಿ ನಗರದ ಫುರ್ಖಾನಿಯಾ ಮಸೀದಿ ಪ್ರದೇಶದಲ್ಲಿ ಭೇಟಿ ಮಾಡಲಾಗಿತ್ತು. ಶಿಫಾ ಅವರ ಮುಖಕ್ಕೆ ನೇರವಾಗಿ ಗುಂಡು ಹಾರಿಸಲಾಗಿದೆ ಎಂದು ಪೊಲೀಸರು ದೃಢಪಡಿಸಿದ್ದಾರೆ. ಗುಂಡು ಆಕೆಯ ಕೆನ್ನೆಯ ಮೂಲಕ ಹೋಗಿ ತಲೆಬುರುಡೆಗೆ ತಗುಲಿ ಮಾರಕ ಗಾಯಗಳಾಗಿವೆ ಎಂದು ಪೊಲೀಸರು ತಿಳಿಸಿದ್ದಾರೆ.  ಆರಂಭಿಕ ವಿಚಾರಣೆಯ ಸಮಯದಲ್ಲಿ ಸಂಗ್ರಹಿಸಿದ ದೃಶ್ಯಾವಳಿಗಳು ಮತ್ತು ಮಾಹಿತಿಗಳ ಆಧಾರದ ಮೇಲೆ, ಪೊಲೀಸರು ಬಲೆ ಬೀಸಿ ಅಪರಾಧ ನಡೆದ 12 ಗಂಟೆಗಳ ಒಳಗೆ ಇಬ್ಬರು ಶಂಕಿತರನ್ನು ಬಂಧಿಸಿದರು.